ONGWEDIVA- Omukulunhu woshiputudilo shakula shopombada shaUNAM Kenneth Matengu okwa ti neudo ovakainhu ovo vateya oleikota mokudjala omanguwo vedule ovalumenhu.
Edi okwe di popya Etitatu, koshivilo shedjalo lomanguwo loiputidilo yaUNAM konooli.
Moiputudilo aishe ili i inhe yaUNAM, Hifikepunye Pohamba, Ogongo, Oshakati osho yo Jose Eduardo dos Santos ovakainhu ovo ashike vai tavati pii.
“Omwaalu wovakainhu ava vadjala omanguwo owa wedelwa okudja peepelesenda o35 waya po65 oku yalekaninfa nodula yadjako,” ta ti.
Matengu okwa yelifa yoo kutya ovadjalimanguwo odula yadjako ovali o864 ashike neudo ove li 901.
“Eshi tashi ulike kutya ovanafikola ava ovali veli pakamo moilonga yavo yofikola, unene tuu yokodula yaxuuninwa oyo hai kala ihapu noidjuu,” ta holola.
Matengu okwa ti ngaashi sha ninga omukalo ndjiikile paife ovahongifikola novapangi ovo hava kala vahapu alushe noneudo oveli peepelesenda 59, ta kushikula Eengineer dili peepelesenda 22 osho yo ava veli hongela oinima yanyama kounapya veli peepelesenda 18.
Oshipudilo natango oshadjalifa yoo ovanafikola omanguwo vadja kondje yoilongo ngaashi Mozambique, Zambia no Zimbabwe.
Okwa ti oshiputudilo otashi ningi lela nawa, yee tapandula ovahongi ava hava kala vei pyakila efimbo alishe tava fi oshisho kutya ovanhu ova deulikika momaifano avo ngaashi sha teelelwa.
Matengu okwa ti yoo ovadjali vomanguwo omukumo vakalonge noulaadi, voo tava ka kafwa oshiwana shaNamibia nawa nombili, neduliko no nohole.