Pijoo Nganate, ma sokuyeta ovanane vombazu avehe pamwe otja kondando ye nu kuye ndjari onene. 

Ombara Turimuro Hoveka ma tja ame mu zerirepo ouṋingandu. Wa pewa oruveze kutja pa parwisa oopeṋe nu otjikando hi nambano ma yenene pu pe ṱa pi mu imbi mbya parwisa potjikando otjitenga. 

Ma hepa oku riraisa. “Nai muatje wovandu vetu imba va Nganate me ningire kutja ombura ndji tji matu ya kokuyanda riraisa.” Na tja nge riraise moviṋa vivari poo vitatu imbi mbi ma munu kutja otjiwaṋa tji nonḓero muvyo. Otjiwaṋa atjihe tja Maheke. Okutja munao otja sere okuriraisa nu katjotjiri mozondondo azehe. 

“Mbi nohange tjinene kutja wa perwe ozombura ndano,” Piet Ova, ma tja na weza kokutja Nganate we ve vatera tjinene nozombatero. Otji ma zeri kutja ozombura ndano nḓa pewa ma weze ozombatero tjimuna okuvepa ozongombo okutumba, ozombanda novirare tjinga imbi mbi vari navyo nai ava yandja kovanatje vosikore Piet Ova ma tja. 

“Mbi nohange tjinene nomaunguriro we inga ngu mbi mu zuva moratiyo. U tu vatera tjinene,” Maria Bartman omuture wa Komumbonde tja Pukiro ma tja. 

Tjimwe tja tja vanga kutja meve vatere natjo otjipwikiro tjomeva kutja ve yenene okuungurisa koukunino. 

“Tji matu yenene atuhe okuyandja omasa kuye kutja metu vatere nao,” ma tja. Omuture warwe omurumendu Nganate ke mu i kaparukaze nu keye mu zuva nokutja ongooneya otjikwaye. 

Eye ma tjiwa kutja ozombatero nḓu ve muna ze za korata wina ndje he i kutja ya tura pi ndji ma tja oya Tjimanangombe nandarire kutja ma tjiwa kutja omberoo ya “Paki” iri mOmaueuozonjanda. 

“Tji matu zepaisa ovandu …Wa utuka wa hakayena nomapanga we wa isa ozonganga komahi yOvandoitji wa tjita vi. Okuye ku vatera ominyo vyovandu,” Kavari ma tja,” Uakuzako Kavari wa Tjijarua tja Pukiro ma tja. 

Ukondjisa okurwisa ondjara moviwaṋa ma munu kutja Nganate wa yarurwapo nawa meeku mana imbi mbye hi ya mana.