Abraham Mwanyekange
Amon Shityeni, nedina lashivka nawa S-Moon, omulumenhu Omunamibia ou e na oitalendi ya yoolokafana noha dulu okuninga oinima ihapu mwakwatelwa okumwenyeka onga-DJ, okushanga ouhokololo, okueta po oifanekwa, osho yo okuhokolola omahepu.
S-Moon odalele yokoshitukulwa Ohangwena, komukunda Onamunama mOndobe.
Efimbo ta ende ofikola yaye pOnamunama Combined okwa li a mona kutya ofikola yavo kai na eimbilo layo olo tali hokolola noku i tanga. “Aame nda tota eimbilo lofikola yaNamunama olo hali longifwa fiyo onena,” ta ti. Okwa ti eimbilo ohali imbwa peehandaxa osho yo poivilo yofikola.
Pofikola Onamunama S-moon okwa tota po okangudu kovanafikola ovo ve na oitalendi, nelalakano oitalendi yovanafikola i twalwe yo keefikola dikwao, S-Moon okwa ti eefikola da dingonoka Onamunama nado okwali da waimine okangudu kavo mo 2015.
Momudo 2016, S-Moon okwa ka fikola kosekundofikola Ponhofi. Nefimbo ta fikola koPonhofi okwa mona omhito yokuya popepi novatotipo yoikwelenge voShafodino Records.
KoShafodino oko a shakena na-Dj Diddy nanakufya Jomolizo. “Okudja opo otwa longela kumwe nawa ndele handi imbi mo okangalo kange kotete taka ufanwa ‘Happy Day’ oshoyo ‘Oilonga yange’ po opo pa dja ovanhu vahapu va shiva nge,” ta ti.
Mo 2018 okwa ti okwa tembukila koWindhoek ko oko a ningila oukasheta vaye vavali tava ufanwa Fear of Threat osho yo Million Mark. Ta ti oukasheta aveshe okwe va landifa manga e li kofikola.
S-Moon okwa ti mo 2019 okwa ti okwa efa po okushika eengalo ndele ta kala ashike a tala kokuteva oitevo, okudana oinyandwa osho yo okupulifa komesho oilimbo ya yoolokafana.
Mo 2020 okwa tota po S-Moon TV oyo a kala nokulongifa okupulaapula ovashikingalo, ovalongi vomeeradio novanhu tava longele moikondo ya yooloka yopaumwene naai yepangelo.
S-Moon okwa ka shivika nawa unene eshi a longa nomushikingalo Mushe mokamusika kaye haka ufanwa Onda Laata. “Okangalo oka dana keeradio dihapu daNamibia osho yo moAngola,” ta ti.
Oilonga ya-S-Moon ya tumbalekwa
S-Moon okwa ti okwa li a kwatwa kehafo unene eshi oilonga yaye kwa li ya tambulwa ko nokutumbalekwa kwaao a li nale omupresidente waNamibia Hifikepunye Pohamba.
S-moon okwa ti paife okwe lipyakidila nokafeelema ta ka ifanwa Kakola Kekulye.
Okafelema otaka popi unene shi na sha nomahepeko e na sha noukashike ko okanhu ta, ti ota ka piti mo neudo.