Ngunda tjiva ee vesa tjo, tjiva vovature va Maheke mave munu kutja we ve kovisa.

Ngu ma heewa ondjiri, Ongooneya ya Maheke, Pijoo Nganate. Omandaha ngwa hungirire ku notjiwaṋa tje ama tetere oviungura mbya ungura ombura ndja zuko na tjiva mbya uta na kandjo navyo na imbi mbya toṋa mo poo mbya tjita. Kutjiva vovature va Maheke aave munu kutja kako tjiri wa kanga nu wa sye ko ozondambo imbo pa yatere poo pa yata. 

Ma tarere kOtutumbo nOvikunwa; Otjirata tja Maaheke otjini; omahaṋeno womahi; ondjeverero nondumbiro yovakazendu novanatje; omeva noukohoke nouveruke; ouveruke kuwo ouni na vyarwe na vyarwe.

Omundu ngu hi nondjiviro nozombatero ozengi pekepeke kutja ze nomuzura poo kaze nawo poo kaze nomuzura mbu ṱeki pi poo ze wa. Otjo tja omuano eye mbwa kondja okuhandjauka morukondwa okambatero imba na mbena kotjiwa kutja tjii hapo nandarire eye omuano mbwe rihaṋa pokati komauhepe pekepeke omengi omberoo ye i nomayenene nge yenda pi mouye noruveze rwouhepe wotjikwe notjipangisa. 

Mberi popepuzu na ye mave tja omberoo yOngooneya kambupu okunana tjinga oyo oini kourike wayo ai hi nokamariva ku ihaṋenwa okuza kotjikesa tjohoromende. 

Ohoromende okuya kuyo kutja otjohi otjimbomba Ongooneya ngai vyavyange kutja matji ungurisa vi. Otjingi tjotjimariva atji yenda koutukondwa ouni nu mu nao Ongooneya ai hupa oungundi koumariva mbu mau zu kovitiha vyotukondwa. 

Tjingetjo wina oo pehungi razo orini ndiri omboronganisiro youtukondwa ouni kutja owo wa ungura tjike mombura. 

Ovengi, ehungi re veri puratetenene oveni ngunda pari na tjiva mbe ha ri ave ri puratene kaparukaze nu ngunda ngahino ndi mave riresere tjapo harukuru ve hukuke ve raisa kutja veri munu vi. 

Omaundjiro wa tjiva ayeri pokutja atja rira nawa kutja nandaku Ongooneya otjomundu ngwa kotoka motjihavero ozombura zarwe ndano atja raisa kokutja tjii nambano otjomundu ngu he ri omuyenda nu ngwa kondjo pa kondjero mozondjira nandarire mouzeu noukwaṋi wazo nambano me ze tjiwa, atja rira nawa okuraisa kutja okuza mba nambano ma kere pi nu ma rondero pi. 

Tjinene tjinga mutu pomatumbo we ngunda aye nomitwaro omingi nandarire ngunda kaparukaze mbe hi ya rora okutuṋa ko kaparukaze. 

Tjimuna otutjeno movirongo tjiva, tjimuna mOtjinene omuture umwe, Philip Kaveṱuna, maa tja owo mOtjinene tjikweya korutjeno oomburi umwe woukaiye wawo ounene.