Mokukalekapo omufyuululwakalo una omwenyo, elelo doolopa laShakati olati ota li kaetapo shivilo shalo shakula shokodula shashiivika nawa onga Totem Expo, nomo shivilo omo otamu kakala omafiyafano a Miss Womalenga.
Omafiyafano aa otaa ka etwapo kovakainhu okudja peedula 35, wayuka pombada ovo tava kakala vadjala, vadjalekeka omidjalo dopamufyuulwakalo.
Omupopiliko wodoolopa Martin Kapuka okwa yelifa kutya, momafiyafano omo, omo nee tamukadja omukulukadi ou hadulu oku ifanwa kutya oye womalenga, shoo noshiwana tashimushiiva kutya ohakala ngaipi, oha yolo ngaipi nohadjala ngahelipi.
“ Oipindi yonoudo otai kadenga mbada shaashi ota ku kakala oinima ihapu yayooloka noya nika omufyuululwa kalo woshili ,” ta ti.
Omapata otaa kashiivafana nawa, doo nomifyuululwa kalo moshilongo otadi kashakena.
Kapuka okwa yelifa kutya ovakulukadi ava va hala kukufa ombinga mu Miss, womalenga, ovateelelika va hadife eefiloma odo tadi hangika pombelewa yelelo doolopa mOshakati.
“ Ofooloma imwe oina N$ 100, nomalishangifo ota akaxula mo 30 Apilili 2026,” ta yelifa.
Okwa twikila kutya ava va hala oku kufa ombinga okudja peedula 35 fiyo omoukulupe.
Oipindi ei itai kakala ashike ina Miss womalenga, natango oya teelelika yoo ikakale ina Miss Totem, hano okakadona dingi.
Kapuka okwa ti oukadona ava va teelelwa velishangife okudja peedula 18-25, nomalishangifo ota a xulu lo 30 Apilili 2026.
Oshitufi eshi osha teelelika shika tameke mo29 ya Mei fiyo 06 Juni 2026.
Otashi kayandja yoo omimhito kovanangeshefa vomangeshefelo opedu omhito, opo vadule oku li shingifa oinima yavo.