Auleria Wakudumo 

Omhangulilo yaMangestalata waHangwena oya anyena ovalumenhu vatatu veedula 35, 36 no40 elifutilemo modolongo, omolwoshibofa shevako loshimeno sha amenwa tashi ifanwa Welwitchia Mirabilis. 

Frutuoso Afonso, omukwashiwana waAngola weedula 35, Silas Tiilinge, omukwashiwana waNamibia we e du la 36 osho yo Johannes Tangeni-Omwene, omukwashiwana waNamibia weedula 40 otava tamanekelwa evako lomuti wa amenwa eshi vati va hangwa needjato nhatu di na oWelwitchia Mirabilis italala ya tetwa vati moinhimbu kOshikango. 

Eshi va holoka komesho yaMangestrata Omaandaxa, ovafekelwa ova anyenwa okulifutila modolongo, noshibofa shavo osha undulilwa komafiku 03 Desemba 2025 opo ku ningwe omakonakono omoule. Ovalumenhu ava inava pewa omhito yokutya sha. 

She likwatelela kolopota yopolifi, otaku hokololwa ovalumenhu ava va hangwa pondingosho hai ifanwa Charles mOshikango. 

Opolifi oya ti oya nofelwa ko kombinga yovafekelwa ava nova hangwa tava kendabala vati okulandifa oWelwitchia Mirabilis shihe li paveta. 

Ovafekelwa ova li va holoka momhangu yaHangwena Omaandaxa, noshibofa shavo osha undulilwa komafiku 03 Desemba 2025 novafekelwa ava otava kala konima yekumba. 

-wakudumoauleria@gmail. com