Victoria Kaapanda
Uuministeli wEtanga lyegameno otau kumagidha mboka ye shi pondola okuya komadheulo ya thige po oongodhi dhawo dhopeke, oshoka itadhi ka pitikwa okuya mo mokamba.
Uumininisteli wEtanga Lyegameno owa popi ngaaka sho tau ithana mboka yeshi pondola moku nyola okatutsa oshowo momandhewo gotango, yiilopote okuza momasiku 17 sigo 21 gaKotomba nuumvo kokamba yOsona kOkahandja.
Wa popi kutya itau ka taamba nando mboka yeshi pondola, taye keya omasiku ga pita, esiku lya hugunina omasi 21 Okotomba nummvo po tundi 17h00.
“Ita tu ka taamba omuntu teya omasiku ngoka twa zi noku tumbula ga pita, otaka shunithwa kegumbo,” wa ti ngaaka.
Mboka yeshi pondola oya tegelelwa yaka tameke omandheulo gawo okuza momasiku ngoka.
Ya ti, mboka taya ka ndheulilwa uunambelewa naya kale yena oDegree okuza kiiputundhilo yopombanda University of Namibia (Unam) oshowo Namibia University of Science and Technology (Nust).
“Naya kale yena iitsa 27 miilongwa itano oshowo o ‘C’ moshingilisa,” ya ti ngaaka.
Ya gwedhapo kutya omandheulo gaanambelewa otaga ka kala ga yooloka komakwawo, otaga ka kwata ethimbo ele, oomwendhi 18.
Uuministeli owa ti, natAngo otau ka kala nompito ye yilongo lyagwedhwapo kiiputindhilo yopombanda opo ya igwendheleko koontseyo yena.
“Mboka taya kamona omandheulo ye li 200, ota tu ka hogololwa ashike aantu 150, naamboka itaaye keshi endithanawa momandheula otaya ka tumwa komagumbo,” ya ti ngaaka.
Oya kumagidhwa ya faalele oombapila okuza koombanga, okakalata ketuntulo lyocorona, ookopi dhuutse dha kwashilipaekwa kopolisi dhaapambele yawo nenge ndhaantu mboka ya inekela.
Uuministeli okwali wa taamba aantu 3000, ihe aantu yeli 150 ashike kwa li ye shi pondola okupita okatutsa oshowo momandheuwo go petameko kwali ga ningwa miitopolwa ya yooloka.
Ta ti kehe ngoka itaaka gwanitha po oompango nomalandulathano ethimbo lyomandheulo otaka tumwa kegumbo.
Uuministeli Wetanga Lyegameno sho kwa li wa pititha eyindilo lyiilonga mbyoka oshigwana ka kwali sha nyanyukilwa shoka tashi pulwa okuninga omayindilo ngoka.
Oshigwuana okwa li tashi nyenyeta oomvula ndhoka kwali tandhi pulwa okuza 18-25 oshowo okakalata ketuntilo lyoCovid-19.