Uuministeli womauyelele owa pititha kutya epangelo olya gandja oomilliona N$2.8 mbyoka ya topolelwa iitopolwa ayihe 14 moshilongo okudhimbulukwa omupresidente Hage Geingob.
Owa tseyitha wo kutya kehe oshitopolwa osha pewa N$200 00 oku longekidha oshituthi ndhimbuluko sho mupresidente ngoka a li a hulu ko mo masiku 04 gaFebruali nuumvo, moshipangelo shaLady Pohamba koWindhoek, mepipi lyomimvo 82. Oshitopolwa shaZambezi osha ningi oshituthidhimbuluko shaGeingob shopambelewa mEtitano lyoshiwike Shazi ko, omanga shaShana oshowo Kunene ya ningi iituthi ndhimbuluko mehuulilo shiwike.
Oshitopolwa shaShikoto, Kavango West oshowo Ohangwena yo oya oya ningi iituthi ndhimbuluko pashitopolwa mEtitatu lyomasiku 21 gaFebuluali. Aantu aantu omayovi ogendji oyali ya kutha ombinga miituthi mbyoka.
KoKavango East, Erongo omo 22 Febuluali nOmusati oya pititha kutya nayo oyi li metifa oku longekindha oshituthi ndhimbuluko sho mupresidente Geingob, nena, momasiku 22 mEtine. “Ota tu kumagidha oshigwana ashihe opo shiye tu ndhimbulukwe noku simaneka omupresidente gwetu kwali gwoshilongo pamwe. Ota tu ka tema uulehite onga endhindhiliko lyesimaneko,” Ngoloneya gwoshitopolwa shaMusati Erginus Endjala ta ti ngaaka.
Omalongekindho gefumbiko ogeli metifa, nokwa kolekwa omupresidente Geingob, taka fumbikwa mOsoondaha yomasiku 25 Febuluali, omanga oshituthi ndhimbuluko sha hugunina tashi ka ningwa momasiku 24 gaFebuluali.
“Geingob okwali omugandji, namwenyo omwaana kena katongo oshowo omulongi,” oyendji oya kala noku ndimbulukwa omupresidente kwali, niitya mbyoka.
Natango omahekeleko oga kala taga gandjwa okuza kiilongo yopondje, moshigwana, kaanangeshefa oshowo komandiki nokomahangano ga yooloka okuza esiku omupresidente a thigi po uuyuni mbuka.
- vkaapanda@nepc.com.na