ǀGuitimî tsîs ge 2004ǁî kurib !nâ ǂguro !nās ase ǁîs daode a ǁkhowa-amsa xus ge Omkhâisens Marisâuǂgaes Namibiab disa (DBN) nēsis kōse N$20 biljunmarisa ǀkhuwimaridi !nâ-ū māǂuihâ. 

Dana ǁgūbas DBNs dis ge, ǀomkhâis !aroma huikhâi tsî marisi ǂkhâ!nâsa ǁnā ǂharugu!âgu !hūsâuǁkhāsib digu hîa ǀomkhâisa ǂkhâ!nâ tsî ǁanǂgāsaben !gâi ûiba ra kō!gânasa. 

Nēs ge ǂoa ge wekheb ai nē ǂnûiǂgās di 20 kurixasis di tsēdīs hîa ǀAeǁgams ǂnao-ammi ai ge hâ is tawa ge ǂanǂanhe. DBNs di Dana Sîsenǂuira Mâisab, John Steytleri ge ǁîb di ai!gû-aokha, David Nuyomab tsî Martin Inkumbib hâkha koasa gere mā, ǁîkha di !gao!gaob hîa kha nē marisâuǂgaesa ge ǁguibab !aroma.

 Inkumbib ge Nuyomaba xu 2013ǁî kurib !nâ Aoǁkhunmuǁkhāb ǁkhā kurib dib kōse ǂgaeǂguisa ge ū!khuni, ǁnāpab ge Steitlera 2013 nî di Taraǁkhumuǁkhâba xu nē !haros !nâ ǂnôase. 

Imkumbub di ǂgaeǂguis !nakas ge DBNsa N$2.03 billions hîas 2012 !nâ ge ūhâ isa xu N$9.47 biljuns kōse 2021 !nâ ge sī. 

Inkumbib ge ǀgaisa !âsa nē marisâuǂgaes di dīǀgaugu tsî tsēsa xu tsēs ǁga ûis ǀgaugu !nâ ge dawa, ǁnāpab ge ǂōǂōsib ǁaegu sîsenǀgaub, !kharagase ge hâ i departementdi !gôaga ǀoroǀoro tsî N$2.5 biljuns proxrammi on diba Namibian Stock Exchange ai a !naos kōse. 

“Namibiab ge ǁnā !haros ǀomkhâis dis !nâ ra ǂgâ, tsî nē ǀomkhâis ge !hūba xu nî hirihiri!nâhe. 

Nē ǀomkhâis ge !nakaba xu ǀgapiseb ǁga nî hâ tsî hoana nî !khōǂgā, ǀgui-i tsîna xūǂui tama hâse,” tib ge steytlera ge mî. ǁÎb ge ge mî, DBNs haka ǁnâugu xa ra daoǁgauhesa, ǂgaiǀons ai ǂâisa taniǀgarahe ǁkhā omkhâisens tsî khoesi ǂhanugu ai ǂnûis, ǁkhoaxa tsî turaba ra mā sîsenmâsiga ǁnaetib ase ūhâs, mâ !harib aib sa ǂharuguba māsa ǂan kais tsî ǁawoǁawosa mās ǂâuǀoasasib ais omkhâisensa hâs tsîna. 

ǁKhā ǁaxasib tawab ge sîsenǂuira direkteri, Titus Ndoveba ge mî, nē marisâuǂgaes ge ǁhôaǀuis Namibiab sâuǁkhāsib omkhâisens dis ase a hāsa.