ONGWEDIVA - Ongeleka yaElcin oya lekela moilonga omufita weongalo laRuacana Hendrick Shuudeni noshoyo omudiakoni weongalo laKahao Simon Ndaumbwa.

Ava vavali ova kala va lambalalwa komapopyo kutya ova ninga ile va ya momakwatafano a nyika oushenge nomulumenhu mukwao Jeremia Mushunina womido 24.

Ekufo moilonga eli ola kolekwa komukwatakanifi wongeleki yaElcin Thomas Uushona . Uushona okwa ti ovalumenhu ava ova kufwa moilonga filufilu konima eshi ewilikongerki laElcin la ninga omatokolo kombinga yoshikumungu shavo.

Ta ti ekufo moilonga eli ole likolelela kokatendo kaElcin taka ti kutya ngeenge omufitaongalo ile omudiakoni ota ningi oinima tai ulike efano lii moshiwana na kufwe moilonga.

“Elcin naye oku na omilandu da pumbwa okufimanakwa  kovaleli vopangeleka. Omuleli wongeleka okwa pumbwa okuulika oshihopaenenwa shiwa moshiwana,” ta ti.

Omunamido 49 Shuudeni okwa kufilwe moilonga pakafimbo, ongomufitaongalo koRucana Elcin muMei neudo eshi Mushunina a tameka ta lombwele ounyuni kutya ova ya naye momilele. Shuudeni vati okwa tameka okuya moixulo naMushunina pakengelelo, eshi a udaneka kutya ote mu pe oilonga mopolifi ngee a i naye moikumbafa. Shuudeni oye tuu oo vati okwa kala ha tumine Mushunina oimaliwa, ashike ina wanifa po eudaneko loilongo mopolifi olo a li a ninga.

S ha S hu u d e n i i n a s h i pola, momwedi Juli -natango neudo -Mushunina okwa pitifa okakwatamawi omo ta ulike eenghundafana pokati kaye nomulumenhu oo a tongolola kutya omudiakoni wokOkahao Elcin, omunamido 58, Ndaumbwa. Ndaumbwa naye yoo okwa li ta holo Mushunina, te mu udanekele oilonga.

Onghee naashi osha eta opo elelongeleki yaElcin li ninge omatokolo shaashi okwa popya oitya itai dulu okupopiwa komuleli wopangeleka. Mushunina okwa li ka kwatwa po omwedi wa dja ko shaashi vati a nyeka ko ongodi yaShuudeni nokudja opo Shuudeni okwe mu patululila oshibofa.

Mushunina okwa ninga oule womwedi umwe modolongo nokonima okwa pewa omhito yokulifutila mo noshimaliwa shoN$700. 

fhamalwa@nepc.com.na