Omukainhu weedula 29 womupangi okwa lemana moshipala konima eshi oambulansa omu kwa li a londa ye lipuma mumwe notuwa yovolvo. Oshiningwanima eshi osha ningwa Etitatu mondjila pokati Arandis noSwakopmund efimbo lwopotundi 22h00.

Opolifi oya hokolola tai ti omupangi oku li moshipangelo shaSwakopmund monghalo i li xwepo.

Omupopiliko wopolifi moshitukulwa Erongo Inspector Ileni Shapumba okwa hokolola ta ti omushingi woAmbulance yepangelo okwa li ta kendabala okuhenuka ololi oyo kwa li tai di komesho yavo.

Vati eshi aka henukila kombinga yokolumosho okwa sha kena ko notuwa yoVolvo ndele tai li pumu kombinga oku kwa li kuna omupangi oo fiyo ta mono oshiponga.

Opolifi oya hokolola tai ti omushingi woAmbulance noshoyo otuwa yoVolvo ina va mona oshiponga ashike eetuwa davo oda lemana.

Vati oAmbulance okwa li tai shingwa ya uka koshipangelo shaSwakopmund tai ka tala ovanaudu. Ka pena omushingi a kwatwa po onghee omakonakono opolifi otaa twikile.

– fhmalwa@nepc.com.na