ONGWEDIVA-Minista gwelongo lyopombanda Itah Kandjii-Murangi okwa ti endiki lyaUnam lyoJose Edward Dosantos olye shi pondola okupititha aantu yeli 820 okuza esiku lya totwa po, sigo onena.
Kandjii-Murangi okwa po pi ngaaka Etitano sho alongwa yeli 978, yaza komandiki gatatu gaUnam monooli, ya zala omaguwo noku mona oonzapo dhawo sho ya mana eyilongo lyawo miimpungu ngaashi elongo, uuhaku, uunamapya oshowo uuindjiniya. Oshituthi shoka osha ningilwa mehala lyomaulikilo giipindi mOngwediva.
Murangi okwa ti, omwaalu gwalongwa ya kutha oshimpungu shuuindjiniya ogwa indjipala okuza paalongwa 30 momumvo 2009, sigo 820 nuumvo.
“Onakuyiwa oyaa mboka taye yi longekindha nena”. Otu li methimbo elongo olyo li na okuthaneka nokulongekidha onakuyiwa,’’ ta fatulula ngaaka.
Ta ti, omwalu gwaalongwa ogwa indjipala nawa, shoka tashi ulike nkene elongo lya taambwa ko nolyasimanekwa.
Kandjii-Murangi okwa kumagindha aalongwa ya mono oonzapo esiku ndyoka kutya ha po ya huulila mpoka, oshoka elongo ihali hulu. Omupeha kanselile gwoshiputundhilo shoka Kenneth Matengu okwa kumagidha aazali yomapapa ta ti, “ina mu konga iilonga, ihe inde ni mu ka longe.”
“Ina mu lalakanena oshimaliwa ihe indeni mu ka longe, opo mu vule okueta elunduluko. Oshimaliwa ha sho mu lalakanena oshoka ohashi ya po uuna mwa longo.
“Omwthika po nkatu yoku e ta omalunduluko, onkene patululileni omiyelo omipe, opo mu vule okuya po noompito ndhiilonga.
“Onakuyiwa oyili momake geni, onkene longitheni oompito adhihe omanga pena ethimbo,’’ Matengu ta ti ngaaka. Selma Shivute ngoka a mono eyilongo lye koshiputundhilo shopombanda mOngwediva moshimpungu shelongo okwa ti, ondjila a enda onde, yi na omasilu ihe ina sholola.
“Omashongo oga tsakaneke ndje moomvula dhandje adhihe dheilongo, ashike inandi sholola oshoka ondi shi shoka nda hala nonde shi mono, onkene otandi pandula,’’ ta po pi ngaaka.
Ta ti, shoka we shi tokola oto shi mono.
-vkaapanda@nepc.com.na