Sampofu Ominista youkashike kookanhu nonghalonawa yokaana Doreen Sioka okwa ti ovakainhu ove na oufemba oku wokuninga oveleli noshoyo okukufa ombinga mehongo.

Edi Sioka okwe di popya moshipopiwa shaye osho sha leshwa ponhele yaye kuNgoloneya woshitukulwa shaZambezi Lawrence koshivilo shokudimbuluka efiku loomeme komukunda Zilitene mexuliloshivike.

Ovakwashiwana va dja moshikandjohoololo shaKatima Mulilo okwa li va holoka momwaalu munene okudimbuluka efikula lovaikanhu.

Efiku loomeme ola dimbulukiwa koshi yoshipalanyole “Oufike pamwe noufemba wovakainhu” 

Efiku e li oha li dimbukiwa omudo keshe omo oomeme hava kala tava tangwa kombinga yefimano lavo nokupewa etumbaleko.

Naashi ohashi eta ovakainhu va kale ve udite etumba ngeenge ve li mefiku lavo.

Sioka okwa ti oufike pamwe owa fimana shaashi otau yandje omhito kovakainhu va kufe ombinga okukala ovaleli.

“Oufemba wovakainhu nau fimanekwe ta ti,” ta ti.

Pefimbo loshivilo, kansela woshikandjohoololo shaKatima Mulilo Warden Simushi okwa kumaida ovalumenhu opo va fimaneke ovakainhu efimbo keshe.

“Ovakainhu ova fimana molwashi ovo hava file ounona oshisho komaumbo,” ta ti.

Simushi okwa ti ovalumenhu na yandje omhito kovakainhu va kufe ombinga meeprogalama da yooloka oku li monena oyuuyemo.

Okwa ti naashi otashi kelele ovakainhu vaha kale tava xupu okupewa oyuuyemo ile okuputulwa kovalumenhu.

-fthamalwa@gmail.com