Okamatyona keedula 19 oka kwatwa po molwashi vati ka lumata omunambelewa wopolifi medimo, omulumenhu womido 42. 

Oshiningwanima osha ningwa mexuliloshivike komukunda Oshihole moshikandjohoololo shaNesi mOmusati efimbo lokomatango.

Omupopiliko wopolifi moshitukulwa shaMusati Inspector Anna Kunga okwa hokolola ta ti okamatyona oka nukila omupolifi pefimbo kwa li ta ka ningilwa omapulapulo molwashi ka dja momuhandjo wofikola.

Kunga okwa ti omunafikola ou okwa tewa momuhandjofikola nokonima okwa ka konga onduda yohiila ashike ina lombwela ovadali vaye.

Ouyelele owe uya kombada eshi ina yomunafikola ou kwa li aya kofikola yavo ku na oshiongi shovadali nokulombwelwa kutya okaana kaye momuhandjofikola oka dja mo.

Okudja opo ina yokamatyona aka okwa lopotela opolifi nokonima ovanambelewa vopolifi ova ya konduda yokamatyona.

“Okamatyona oka nukila omupolifi ndele ta ke mu lumata medimo. Omupolifi okwa li a ninga omalulumika,” ta ti.

Omunafikola ou ota holoka momhangu nena.

Kunga okwa kumaida oshiwana opo shi xulife po okulongela ovanambelewa vopolifi ominyonena ngeenge ve li moilonga shaashi osha puka.

-fhamalwa@nepc.com.na