Oshiwana shovayelele otashi hokolola kutya osha taalela eshongo linene lokuhe na omaufemba molwaashi vati ovanambelewa vouministeli woikwameni neameno lokeengamba ihava fiki komukunda wavo. 

Oshiwana shovayelele shi li momukunda Omalalapapa moshikandjohoololo Omundaung i l o, mo s h i tukulwa shaHangwena otashi nyenyeta kutya epangelo ola dopa okukwashilipaleka kutya ova mona omaufemba. 

Vamwe ova hokolola tava ti okwa li va mona omaufemba ashike paife okwa kana omanga amwe okwa pila meenduda. 

Martha Haule weedula 28 okwa hokolola tai ti oku na ounona vatano ashike aveshe kave na eedjapo domadalo molwaashi ke na oshimaliwa sholefa shokuya keembelewa doikwameni kEenhana. Onghee okwa ti otashi kwafele ngeenge ovanambelewa hava longo nokuyandja omaufemba tava i komukunda wavo opo va dule okumona omaufemba. Haule okwa weda po ta ti ounona vaye vavali eefiye ashike ihava mono oshimaliwa shopendjela molwaashi kave na omaufemba. 

Naango Shilimwati weedula 65 okwa ti iha kwata opendjela molwaashi naye ke na oufemba. 

“Naame onda hala okukala handi kwata opendjelangaashinaanaaovakulupevakwetu. Paife ohandi dengwa koluhepo shaashi ihandi kwata opendjela,” Shilimati ta ti. Eshi a kwatafana naKundana omupeduminista mouministeli woikwameni neameno lokeengamba Daniel Kashikola okwa ti ouministeli wavo owa didilika oshiwana shovayelele shihapu shihe na omaufemba. 

Okwa ti ovanambelewa okudja keembelewa doikwameni otava ka ya ponhele oko ku na oshiwana shovayelele opo va kale va pewa eedjapo noumutwe. 

Ngoloneya woshitukulwa shaHangwena Walde Ndevashiya Oapefimbo eshi a li ta popi kombinga yomashongo a taalelwa mOhangwena, okwa popya ta ti onghalo yovanhu vehe na omaufemba oya londa pombada moshitukulwa. 

fhamalwa@nepc.com.na