Omukainhu weedula 21 vati okwa kufwa oshimaliwa shaye N$3 100 konima eshi a tulwa mokatoo komulumenhu nokomukainhu.

Oshiningwanima osha ningwa poshitaashi shomahooli modoolopa yaPuwo Etivali efimbo lomutenya. Inspector wopolifi Raimberb Muronga moshitukulwa shaKunene okwa hokolola ta ti omukainhu ou okwa li e li namumwainakadona modoolopa nokudja opo okwa lombwelwa komufekelwa womukainhu kutya oku li nomulumenhu iha udu oshiwambo

Onghee vati okwa pula ovakainhu opo va kwafele omulumenhu oku mu fatululila oshinglisha. Ota ku hokololwa kutya omulumenhu okwa heka ovakainhu kutya okwa pumbwa ekwafo keshina lombaanga opo a dule okunana oshimaliwa N$50 000. Opolifi oya hokolola tai ti okudja opo ovakainhu ova lombwelwa opo va fiye po ondjato yavo yoimaliwa. Ondjato yoimaliwa oya fiilwa omukainhu oo kwa li ve li nomulumenhu.

Ota ku hokololwa kutya ova ya va uka kombaanga nokonima eshi va aluka ova hanga omukainhu oo kwa li a fiilwa ondjato a faduka po.

Okudja opo vati omulumenhu oo naye okwa faduka po.

Omwedi wa djako moshitukulwa shaHangwena okwa lopotwa omukainhu umwe a kufwa naye oshimaliwa shaye eshi a tulwa mokatoo kovalumenhu. Ota ku hokololwa kutya omukainhu ou okwa ufanwa kovafekelwa opo eke va tolokele shaashi opena umwe ihau du ko oshingilisha. Opolifi oya ti okudja opo omunafikola okwa pulwa opo a fiye po odjato yaye omo kwa li muna oshimaliwa, onghee ova ya keshina lombaanga opo a ka pewa oshimaliwa sholupandu eshi a toloka.

Nakuninga oshihakanwa eshi va aluka ova hanga nale omulumenhu ou kwa li a filwa ondjato a faduka po.

Oshiwana otashi kumaidwa opo shi kale sha kotokela okatoo noku li kaleke kokule okupoya novanhu mopandaanda.

fhamalwa@nepc.com.n