New Era Newspaper

New Era Epaper
Icon Collap
...
Home / Shangula: “Tu thangeni mo oCovid-19 moNambia pamwe”

Shangula: “Tu thangeni mo oCovid-19 moNambia pamwe”

2021-07-20  Victoria Kaapanda

Shangula: “Tu thangeni mo oCovid-19 moNambia pamwe”
Top of a Page

Minista guuhaku nonkalo nawa Kalumbi Shangula okwa ti, omukithi moNamibia otagu vulu okuyela mo ngele oshigwana tashi tsikile nokwi itula mo mokutuntilwa.

Moowili 24 dhapiti, uuministeli wuuhaku owa lopota omwaalu gwaantu taya kwatwa nota ya si ko mukithi ngoka, gwa shuna pevi lela noonkondo.

“Shono otatu shi nkondopeke, uuna ta tu itula mo moku tuntilwa, opo tu sinde omukithi nguka, tu shu neni konkalo yetu yo nale oshowo oku galula eliko moshilongo ndyoka lyagu pevi,” Shangula ta ti ngaaka.

Ta ti, omiti odha thiki moshilongo, na kehe gumwe ota kumagidhwa a tuntilwe omanga omiti dhili po.

“Ethimbo omiti dhoka dha li dha pumo moshilongo, uuministeli wetu owa lopotelwa okuza ko mahala gwuuhaku oshilingo ashihe kutya, aantu oya kala taye ya momahxwatwa ya taya pula okutuntilwa,” ta ti ngaaka.

Shangula ta ti, shoka otashi ulike kutya oshigwana oshuuviteko uuwanawa negameno lyoku tuntilwa, okushonopaleka ompito yoku kwatwa koCovid-19.

Uuministeli wuuhaku, Etitano owa pewa omiti dhili 250 000, dhoka dhili nale metifa okwaandjanekwa oshilongo ashihe opo mboka yeli mompumbwe ya tuntilwa.

Oomwedhi mbali dha piti, Namibia okwa ponokelwa ke kuthikuthi etitatu, ndyoka lya faalele oomwenyo dhaantu oyendji sigo oko mwaalu   2 275.

Oshiwike sha ziko iipotha oyindji oya lopotwa okuza kiitopolwa yokonooli, hoka omukithi gwa taandele unene omolwa omangundumano gwoosa nenge giituthi ya yooloka.

“Oshigwana na shi kambadhale oku shonopaleka omwaalu gomangundumano  pethimbo ndika,” taku magidha.

Nonando oyendji ya kala neyitalo noku tinda okutuntilwa omolwa omatompelo ga yooloka, omukuluntu moshikando shuuhaku moshitopoliwa shaShana Johanna Haimene okwati, oyendji otaya ulike yuuvako no taya ningi omayindilo gwoku tuntilwa.

Kundana sho a li aningi omapekapeko moshigwana, okwa kwashilipaleke kutya oshigwana osha hala okutuntilwa, nonando oyendji otaya pula omiti dhokoCuba.

Silas Imanuel gwomOshakati okwati, ehalo okuli na lyoku tintilwa, ihe otaka tuntilwa uuna uvu kutya omiti dhaCuba, odha thika moNamibia.

“Onda itaala kutya omiti dhokoCuba otadhi vulu okutu kwathela oshowo okushono paleka ompito yomukithi nguka. Itandi vulu lela okufatulula, ihe ondina omukumo neitaalo mudho,” ta popi ngaaka.


2021-07-20  Victoria Kaapanda

Share on social media
Bottom of a page