Taimi Haihambo
Sakeus Shikololo, omunamido 24 okwa ti vo nofikola kava li lela eefelende molwoluhepo, nonghalo oye ke mu fininika a fiye po ofikola ye a waimine ondjila yaye yeengalo.
Shikololo oo a shivika nawa nedina Chicco Deng mokapale kokwiimba, okwa ti okwa dile kEloolo moshitukulwa shaShana. Okuputuka kwaye vati okwa kala kudjuu nokwa kala ta nane noudjuu nale peendodo dopedu, molwoluhepo.
“Ngeenge tashi ya pomidjalo dofikola ile oikulya, kanda li lela handi i wanifilwapo komufilishisho wange. Eshi nda ka didilika kutya onda pewa oshitalendi shokwiimba, onda tokola okufiya po ofikola, ame ndi ka shike eengalo,” ta ti.
Okwa twikila kutya eshi a fiyapo ofikola, okwa tameka okukala ha tula oitya kumwe opo a dule okweeta po eengalo tadi tungu oshiwana.
“Eshi nda tameka okukala handi shiki eengalo tete, kanda li ndi na oikwafifohongo ye lixwa po. Mushiinda shange umwe eshi a didilika kutya ondi na oshitalendi shi li mohonde, okwa kala ha kwafele nge apa ta dulu, opo ndi dule okukwatifa oungalo vange,” ta ti.
Konima eengalo daye vati oda ka kala lela tadi ende nawa, nokwa kala ha mono eetendele a ka mwenyeke poivilo yomahafo.
“Paife ohandi dulu ngaho okulinyangela kwaame mwene apa naapenya, nohandi pula oshiwana shi twikile nokuyambidida nge,” ta ti.