Oswapo yaNamibia ya yaruka noutukondwa auhe une mbu yari nawo momatoororero wopokati ngaririre ohepero mena rokutja ozorata nḓari movihavero okuza momatoorore wOtukondwa nOzongomainde wo 2020 za ire kondjuwo yozoveta okuza momatoororero wombura ndja zuko wOperesindenda nOmbongarero yOtjiwaṋa. 

Ya yaruka nOkarukondwa ka Tjivanda mOtjozondjupa nai ku ka taarwa i Nelao Amagulu nomaraka 1918 nu kuye aku kongorere Morits Gaingob, wOunited Democratic Front (UDF) nomaraka o-916. Rosina Nuses wOpopular Democratic Movement (PDM) wa eta omaraka o- 559 ngunda Max Onesmus wOIndependent Patriots for Change (IPC) aa munu omaraka o-833. 

Oswapo wina ya kotora Okarukondwa ka Kamanja mOkunene ku kari nOUDF na Nikodemus Amutenya ngwa yeta omaraka o-1 090 a taara Jacobus Namaseb wOUDF na Dansieke Ganaseb wOIPC. Ma yarukire po Nico Somaeb, nai nguri mOmbongarero yOtjiwaṋa. Nai panḓere pOkarukondwa ka Tjiwarongo mOtjozondjupa ku kari na Marlyn Mbakera nai nguri kOmbongarero yOtjiwaṋa. Ndji ka taara na Nekundi nomaraka o-3 235 na Ernst Muraranganda wOPDM outjavari nomaraka o-810, Wilbardt Haihambo wOIPC nomaraka o-746 outjatatu na Gabriel Manse wOnamibia Economic Freedom Fighters (NEFF) outjaine nomaraka o-126. Wina aitaara okarukondua ka Kabbe kOmamuho mOzambezi na Raymond Kamwi Sezuni. Nomaraka o-1356 ngwataarere Sydney Sitali Shamwazi wo IPC ngwamunine omaraka o-203. Movatoorere avehe o-3 509 mberitjangisa, o-1 564 uriri ombatoororere mo Kabbe. 

Pendje nOswapo, OUDF ondja zamo nokapuisapuisa momatoororero inga tji ya panḓere nai pamisa okarukondwa kayo ka Hamuheke mOkunene. 

Ku ka taarwa i Bernadus //Hoeb noamraka o- 1 368 votes, nu popezu ketambo re aku ya Titus Rungondo, wOswapo nomaraka o-1 192 votes, Bennie Ganuseb wOIPC nomaraka o-585 ngunda Vemuii Kaisuma wOPDM a yeta omaraka o-162. Hedrick Gaobaeb, ngwari orata nai u ri mOmbongarero yOtjiwaṋa.