Oruveze nduasere kutja ondururiro naṋi Ovakandjoze vemune ondaya, indui Ojakoba Marenga mOtjomuise ondaya indji nambano yevepenge. 

Ombongarero tji ya rundurukire ko Theo Katjimune. Yozombara zOvambanderu nOvaherero nḓakuta epango mongondjero yokutja 

Ehi rOvandoitji riitavere kotjiveta Otjiṱiro Otjindjandja, Ondjesiro, nu tjazumba harukuru iṱune mbiya sere okuṱuna. Mumuna Otjisuta tjombinḓu. Okomiti ndjiungurira ya ri aya vareke osikore indji Ojakoba Marenga mOtjomuise okuhaamisira po ombongarero ohonge indji ma yiutu ndinon naiyanda Osondaha. Naṋi ondaya ya Marenga, umue ngua yata ozomndambo ozongoto mombiririro yohuure yOvandoitji, makotora otjari nondaya ombua. Tjapo Ovandoitji, nohoromende ya Namibia, ze paturura omeho nourizemburuka wazo nondjira yOtjisua iseruka no ku sembama. 

Ozombara hambondatu zOtjikandjoze, zehika ndi tjiukwa otja ra Kandjoze, okuiisira pu rakakutirwa mu Katjose mo- 2022, aihe mai vereke ovandu vane nga ku vetano okuyeta kombongarero ndji. 

Oyo ndji mai patururwa kotjiveta i yOmuÞize wa Tjomuise, Ndeshihafela Larandja, nai patwa kotjiveta Osondaha i yOrata yOkarukondwa Komatoororero Komondivitivi ka Katutura, Rodman Katjaimo. 

Epu enenenene, OCA mai tara mondjira komurungu kutja mai honinwa vi. Onozohaṋi poo indee? 

Nongahukiro yokutja oyo Onḓuvasaneno Yapamwe poo Yaavehe, Joint Declaration, ouspi OJD, pokati kOhoromende ya Namibia nOyehi rOvandoitji, ye i yara kaparukaze. Kutja ngahino otjimariva ohoromende yOvandoitji tji ya kwizika kutja otjOtjisuta mai weza. 

Ozombara nḓa za kurama pokutja onyuṋe okuza komautiro wayo ya tuvirirwe navi nu mu nao ya sere okutuvirurwa okuza komautiro kombunda yombongarero onene yozondekurona azehe zOtjiṱiro Otjindjandja. 

Epu rarwe ozombara nḓa okurizuvisa nawa kutja tjii hapo Onḓuvasaneno ndji ozo nḓu za yara i tja vi noura wayo u kwaana vi. 

Noho ku ku he ri kokutja ngahino ve nomuano warwe mbu maze peya aze u zuu pendje na imbo pu ve izuvira nai. 

Kutja ve yenene wina okukahonga oviwaṋa vyazo kutja ve i nakaurira tjike. Wina ozombara maze sopora ondunge ndjo yazo ndji mai twara ondjira yayo oini ndji he ri indji yOJD.