Omupopiliko wopolifi moshitukulwa shaMusati Senior Inspector Anna Kunga okwa koleka ta ti eendongi nhano oda kwatwa po kopolifi eshi da hangika tadi shingwa kukalyamupombo. 

Eendongi ode li tuwa Omaandaxa efimbo loufiku komukunda Aanamulenge. 

Opolifi oya ti omulumenhu ou a hangika ta shingi eendongi okwa faduka po auka moixwa. 

Fiyo opapa ka pena ouyelele kutya oku li peni yee ina shivika kutya olyelye shaashi okwa li kwa laula. 

Eendongi paife oda idililwa keumbo la mwene womukunda omanga ta ku kongwa mwene wa do. 

Opolifi oya ti oumbudi weendongi owa loda pombada moshitukulwa shaMusati shaashi ovanhu ove hole okulya ombelela yandongi. 

Otaku hokololwa kutya unene tuu koshikandjohoololo shaTamanzi oha ku lopotwa oibofa ihapu yovanhu tava vake po eendongi ndele tava ka landifa okapana. 

fhamalwa@nepc.com.na