“Pozonḓonḓu za Mbapirona, imbo opu tuahaama na turire….imbo opu vetu tuara momapando na ve tuningire okuveimburira rimue reimburiro ra Ziiona.”
Tjivatezere omakuruhungi tjinene otutjindo twao, Ovaherero nOvambanderu vazuvakere ayo mavetja nao otja ke raa indi oritja 137. Tjinga mokuteza no ku zemburuka no kusesura otutjindo tuao oto atuhina tua pukasanene no hangauti oyo mu va kayenda nu ndja katuara owo okuhara oku yandekua otjomihoko.
Ovaherero nOvambanderu okuza mOtjauana otjini, Onamibia nOsouth Africa, omyuva womauviro tjiyari 7-9 komueze imbui, va wo ronganene pohambo yomuzandu wa Hangara ingui Kazeire ndji ma itjiukua otjEharui mOkarukuvisa. Okuzemmburuka otutjindo tji ma turauka kombanda okuza kOmao Omanene natuyatakana mOnamibia atu tuurunga atukapita koo Tjauana na South Africa a tua toora ozondjira nomi hunga pekekepe.
Otjauana orini vazire kOmakunda, Ogambane, Makaku, Omauaneno nOmauna. Mo Namibia wina amwa zire otjimbumba tjohaveha okuza mOtjomuise nganduu pendje Okakarra, Otjombinḓe, Omongua, Epukiro nganduu kOpuwo. Ngunda ko South Africa akua zire eṱunḓu ra Kanḓorozu, Kunonvandu novakazona ve vevari Venaaṋi na Ngaurikue.
Ngunda aperi nao kaari okuyenena nu ka tutjindo atuhe tu tua serekarerue. Tjinga omatezero no ma serekarerero wato momayuva yevari uriri ape ha ye nenene. Pendje na nao wina otutjindo kutja orondo rua Namibia, poo Otjauana orini nganduu ko South Africa atua seerue pehi mena rokutja otupa otuingi atuhina tua kuramenenue po.
Munao otji pa zekamisirue kutja ombongarero indji izikame nombura aihe nandarire tuvari tjeri ohepero. Ngunda nai ama ihaamene mOtjauana nu harukuru ayiutu oku rundurukira komahi yarue. Okomiti yo pokati kotuveze nai ya yauzirue no ku nunusiwa otjo ngarerere. Na ipewa omasa yoku keritua movihavero oini nu wina akua weziwa ouṋepo warue.
Ngunda aperi nao imba mba pandjara ombazu neraka ma vevaterue mo miano pekepeke tjimanga. Eraka tjinene okuutua okuhongua mozosikore mOtjauana na South Africa. Nozonḓiṱona pokati komahi ayeetatu inga okuriangasana kutja zetoore eraka no ku rihonga ombazu yOtjiherero.