Ozombongo kanḓu mo hungire eye otjomundu wongamburiro na umwe wovandu ohongora mehika rozombongo zotukwise.
Omurari wondjivisiro ombaranga ape kape na umwe wovaisane wa serwe pehi ngahino pendje nomuiisane ohongorahongora muwo Uzera Kariko eye ngwa hindire wokehi ye Ihaṋa Mbaha okumukuramenapo.
Tjinga aya ri omayuva womasuviro womahore oyetjavari komasenina oo Kariko na Vemutonda Kazongominja, wina ngu tjiukwa otja Marapo tjandje veri kOtjoruuma mave yeta omanamuinjo omahore inga mombatasaneno ondenga yengete mOnamibia kehi yoMTC.
Ovoporotika kavoporotika mu mwari Orata yOkarukondwa kOmatoororero ka Katutura mOndivitivi, Rodman Katjaimo na wina ovanane vombazu mu mwari Ombara Rukambe wa Kamatapati na Katjanaa Tjatindi ngwa kuramenepo Ombara yOvambanderu, Tjozohongo Nguvauva.
Otjiwaṋa otjini tjandje otjohi vari tji tji kuwa natji ha rangaranga. Kutja Osondaha nda zuko ri rire orapeke. Oupeke waro wa tjitirwe i yenyando nondjoroka ovengi mbari mOtjomuise tji va ṱungukire komurari imbwi Ofarao momaturiro inga Osoweto mOkatutura.
Pombongo indji Ost Joël. Okurikwamba komurumendu omukweyuva omunaa kwauti eye nai ngwa rire ongero kutja oya Hipose poo Muariaṋi.
Katjaimo otjomuhungire weyuva wa tjere otjiṋa otjinene Ndjambi tja tjita komundu okuyandja tjinga aa yandjere omuna we kutja ma ṱire omundu nu ma hupisiwe komuinyo waaruhe. Mburi omuruu Omuhonge Omunene Pura mombongo ma tuurungire otjomurise omuwa.
Ngu ha risa noviselveri poo ovingolndo nungwari ngu risa norusuvero oruveze orure. Kutja eye ndino ndi momazemburukiro weyuva rongwatero ye wina ma pewe orusuvero otja tji rwa pupire. Ndu maru tika mongaro ye yokupuratena omundu kangamwa. Tjinga okupa omundu oruveze rokumupuratena onduri orusuvero.
“Mbeeku muna ovahonge, ovotjoro ngandu kovaisane mba pewa otjitiha,” Katjaimo ma tja. Omaworonganisiro wovandu avehe mba voviṱo pekepke tji matji hongo kutja eye wari omurise omuwa,
Pendje nomuhungire weyuva Katjaimo pari ovahungire pekepeke auhe mba kamburire ko ozonyosa meyuva rondjoroka ndi motjiungura tji tjari nOmuporofete Collin Mbaukua nOserekaze Lanty Kandovazu-Kazaronda na tji patururwa nongumbiro i yOmbitjopa Kaverua.
Natji patwa i yOmbitjopa SSK Kaatura.