Nandarire kutja eye kandekurona yaimba mba huka ominyo vyOtjiṱiro Otjindjandja okutara moviperendero vyovaihamisiwa ka ku mu sorere kaparukaze. 

Omuungure morupa rwomapwikiro, omaungurisiro womambo nomayezemisiro wawo ponganda yomerihongero wokombanda ya Namibia, ousupi Ounama, Ndapandula Mbangula, ma tja. Tja handjaura ondando yomarasiro woviperendero imbi nai ngu maye kayendisiwa i yorupa ndwi. Ngu ma tja tjaa wongo oviperendero mbi okuvirongerisira omaraisiro nga wa toorere otjimbi otjinene ngandu tja yarukire komuhona we okuningira kutja kavi nokumosora momuinyo notjiungura tjokuviraisa ngave ṱe okungunda amave yarura ombunda. Posi ya omuhona we a munu kutja ngave kayende komurnungu natjo. Mbangula pa here kutja rutenga ma pahe okurihuhumiṋa ama kayenda komurungu natjo. Otjoho nai tjiri kozombaze nai itji otjivike otjitjavari nganda tja utire. 

Tjingetjo umwe wovahongwa ngwa tarere muvyo wa nangarisire me rihungirire nomambo aye piti kotjinyo kutja: “Ovandoitji imba @#$%&*.” Mbangula ma tja kayari oupupu okusembamisa omaraisiro nga tjinga ovahongwa vonganda ndji nai averi momarorero paa munu kutja inga ma rire omutwaro omuzeu kuwo womarorero mu veri tjazumba kuwo aku rikwamba omerizemburuka waimbi mbya  tjitirwe kuwo ngu maye pendura otjimbi tjimuna ku umwe ngwa tarere moviperendero imbi. 

Okapapu ketu otji keyendayenda ozongondjero zozondekurona ohunga nOtjiṱiro Otjindjandja, iimwe yazo ndjiri kokutja pe zikame Eyuva rOmazemburukiro wOtjiṱiro Otjindjandja. Omaraisiro woviperendero imbi ngeri orupa rweyuva ndo nandarire oro re reyere ra kapitire. Tji ya ri o-28 komueze mbwa zuko ohoromende tji ye rizemburukire otjikando otjitenga ngunda ozondekurona ayari otjikando otjitjatatu okuza ko-2023. 

Oviperendero imbi, Mbangula, mbi ma tja ngunda inga omautiro uriri, mavi rasiwa omiano ozondekurona nḓaaze tjindwa nokutumbwa ngandu kokuzepwa mu mu nokuturikwa komiti. Mbi ma tja wa sesurire mozomburo pekepeke monganda yawo posi ya nḓe hi ya rira okuura okuyandja okaperendero akehe moumbomba wako. Okutja otji ma ningire kutja ngu navyo okuvasisa kuwo vi rire orupa romaraisiro inga owo ngu maye yanda tji ye ri hambondatu (08) komueze mbu mau yende/ Tjinene tjimwe tji matji kaiya oviperendero okuza mozondekurona ozeni nu tjingetjo tji tji hi nokumunika omatjangwa omakonḓonone wozondekuroan ozeni ohunga nOtjiṱiro Otjindjandja tjovaṱi novakuru vazo nu mu nao wina tji tjiri otjawo keṱupa. 

Tjinga nai otjihungiriro tja kandino ndi tjimwe mutjo aye ri ovito momuinyo vyozondekurona mena rotjiṱiro Otjindjandja tji ze natjo ngamba. Tji tji tjiza korutanga rumwe ngandu ku rwarwe. Hapo otja kozongonḓononeno ovito poo otjitwesa itji tji riraisa vi mozondekurona? 

Ngu nohambwarakaṋ a yomatjangwa poo oviperendero ma vaza Mbangula po: 061- 2063878/0815724790. Poo nlmbangula@unam.na