Zebaldt Ngaruka
Ozondjemeno azehe zovature va Tjombinḓe we ze zuu nu me ze vasisa kOconereda.
Oministera yOkehi yOndjivisiro nOunongo wOvikaenise, Wenzel Kavaka, matja. Otjiwana tja Tjombinde tja kavarurire tji tja herurire ozondjemeno otuwondja kuye muzo mu mwari ouzeu womahayeneno mbu tjitwa omakondikaneno worutjeno. Ombara Kaituu Tjozongonro wOtjirata tjOmbazu tjOvambanderu matja omahakayeneno inga yari ohepero tjinene nu una omaundjiro wokutja omazengururiro omanaupore no ma karerere maye munuika. “Ondjemo yetu onene nene muno orutjeno, mena rokutja kangamwa omahakayeneno yakutwa kunaro (orutjeno).
Ovandu vemunouzeu nu vepandjara imbi mbyungungra norutjeno mOkarukondua kOmatoororero ndu poka poka ovikando novikando,” Tjozongoro wa tjemene.
Na weza kutja kamuna ondanda yorutjeno yOcenoreda mOtjombinḓe novature vekwa kovaungure okuza kEpako. “Ripura kokutja orutjeno tji rwa u, omundu maso oku hinga okuza kEpako okuye kuyerurura okayerurure. Itji katjiyakurwa kaparukza nu tjimwe poo tjarwe matjiso oku tjitwa okuṱuna ongaro indji,” Tjozongoro matja.
Na ningire ovayandje vovyungurisiwa oku kambura otjina itji no kuhina enyando amatja ovature vatjindi ongaro indji orure tjinene.
Nokia Hange, omukongomise wozongetjefa ngu kawondjisa ondanda indji Onokia yOvihakaenise, matja omahayeneno wo ministera inga yeya oruveze nduriro rotjiwaņa tji tja hungamwa ouzeu. “Okuhina ovihakayenise motjirongo otjihamise tjotjiuru, nonakurundu ombe tunwa tjinene nene,” matja.
Na weza kutja ovikando tjiva ovandu vetoora ouyenda oure ko (Talismanus) nave havaterwa mena ro ru tjeno. Hange matja ongaro ihaverisa ovanazongetjefa ouzeu ounene otjo tji tji tanda ehupo rawo.
Kavaka watjere omahakayeneno inga kayari porwe oku hungirira komitjemo nungwari wina oku tunga ondopa pokati kohoromende, ovayandje vovyungurisiwa novature. Yapere ovanarupa okaruveze ko ku nongonona omyano vyo ku pwisa vyounongo wa kandinondi kokutja kangamwa auhe marire orupa wavyo. “Ma tu itavere ko ku tja kangamwa auhe weṋu unorupa oruhahepero tjinene kokutja ounongo wa kandinondi motjiwaṋa unyomoke no kuu tunduza kutja auhe makare norupa moruveze indwi rounongo wa kandinodi,” Kavaka matja.