Omulumenhu weedula 28 okwa kwatwa po eshi vati a longela omukainhu waye oushada komesho ovanhu eshi e mu dula oikutu yaye ndele te i xwike po.

Oshiningwanima eshi osha ningilwa koTsumkwe moshitukulwa shaOtjozondjupa efimbo lokonguloshi mexuliloshivike.

Omupopiliko wopolifi moNamibia omupedu Commissioner Kauna Shikwambi okwa hokolola ta ti omufekelwa vati okwa uda omahokololo kutya omukainhu waye oha i momilele nomulumenhu umwepo.

Vati omufekelwa eshi a dja koilonga okwa fikila ta dula omukainhu oikutu ndele te mu denge noku mu lyata komutwe.

Nakuninga oshihakanwa okwa twalwa koshipangelo opo a ka mone epango lopaunamiti.

Opolifi oya hokolola tai ti ovaholafani ava ohava di pamwe nove na ounona.

Omufekelwa ota holoka momhangu Etivali nota pangulilwa oshibofa shomahepeko omomaumbo.

Opolifi oya kunghilila oshiwana opo shi kale tashi lopota pefimbo ngeenge tashi ningilwa omahepeko oukashikekookanhu momaumbo.

-fhamalwa@nepc.com.na