Opolisi yaNamibia otayi indile oshigwana shi longele kumwe nayo okukonga omunamimvo 20 Yu-tee Kraingar, ngoka a zile megumbo mOvenduka oshiwike sha zi ko, ihe sigo onena ina galukila kegumbo.

Omugandji gwomawuyelele omukuluntu gwopolisi  moshilongo Kauna Shikwambi, ota pula ekwatho moshigwana ngele ope na ngoka e na uuyelele mpoka pe na Kraingar a lopotele opolisi yi li popepi naye.
Shikwambi ta ti, sho a zi megumbo okwa zala ohulukweya yolwaala lwoshiyokashi nokazalitho okaluudhe oshowo ondjakete kombanda.
Kraingar  oha popi elaka lyOtjiherero.