New Era Newspaper

New Era Epaper
Icon Collap
...
Home / Mupokola ukunupa linja, mi ubulaya mushimani

Mupokola ukunupa linja, mi ubulaya mushimani

2019-02-21  Selma Ikela

Mupokola ukunupa linja, mi ubulaya mushimani

WINDOKO - Mushimani wa lilimo zene natimezi mi muhulwana hae wa mushimani ni mahe nebamatiselizwe kwasipatela, kasamulaho wakunatwa ki lilumo, lene lizwile kwatobolo yene kunupilwe ki mupokola kamapakela Labune viki yefelile. Mahe ni mwana banze ba amuhela likalafo kwasipatela sa Katutura. New Era nebulelezwi kuli lilumo neli kunupilwe kimembala wa sipokola sesi ketahani, wa lilimo ze 53, hala nako ya 03h00, hana libile kwamusebezi kwa khuta yamuatuli yomunyinyani ya Katutura. Bane bakunupilwe nebalobezi mwasibulututu samasenke mabapa ni mukwakwa wa Mungunda ni Reinhard Maekope mwa Katutura. Lilumo neli punyize masenke nikuto nata batu babalalu hala babane bane balobezi bamumbeta ulimuñwi. Mbututu walilimo zepeli wa musizana nasika holofala.

New Era nelemuhile kuli mupokola kulumelwa kuli nasutelezwi ki linja zene huhula mi zatomupotoloha. Kiha zwisa tobolo yahae nikukunupa. Nekubihilwe hape kuli mupokola nasika lemuha kuli lilumo neli natile batu. New Era nelemusizwe hape kuli nautwile zakukunupa kakusasa kuba beleka nibona, mi abataluseza likande lahae hala zene ezahezi. Yomuhulu wa Sipokola mwasikiliti, Silvanus Nghishindimbwa nanitifalize taba yeo mi naize yanyazwa nailo ipiha. Membala wa lubasi, Marvin Hindjo naize mushimani walilimo zene Muhupua Kahimunu nakunupilwe mwamba mi nailo shwela kwa sipatela. 
Mahe yasa beleki Siegfriedine Kahimunu walilimo ze 42, nakunupilwe kwamukokoto, haneli muhulwana nyandi nakunupilwe kwa liutu. “Maabona usali mwasabo. Nalatehezwi kimwana’ hae,” nekubulezi Hindjo kwasipatela. Yomuñwi walubasi naize nebali mwasabo kuli mupokola hana kufiwa mulatu bakeñisa musebezi wahae. Nghishindimbwa nanitifalize kezahalo yeo mi naize nebabulezi ni balubasi. Naekelize kuli yanyazwa utalimani ni milatu ya kubulaya, kubata kubulaya nitaba yakusasebelisa hande tobolo yahae. Nabulezi hape kuli lipatisiso lizwelapili kuli bafumane bupaki kakutala.


2019-02-21  Selma Ikela

Tags: Khomas
Share on social media