New Era Newspaper

New Era Epaper
Icon Collap
...
Home / Nghaamwa ta longifa ounongo waye 

Nghaamwa ta longifa ounongo waye 

2021-08-24  Festus Hamalwa

Nghaamwa ta longifa ounongo waye 

Festus Hamalwa

“Onda pewa ounongo wokutunga omaanda, okuhonga omahoolo nokutunga omambale oko mitwe. Ei oyo oilonga yange ndi hole okulonga efiku keshe, onghee ondi udite etumba eshi ndi na ounongo wokulonga oilonga nomake ange mwene”.

Aa omatumbulo aJohn Nghaamwa, omukulupe womido 73 onghulungu mokutunga omambale womomukunda Oipapakane moshitukulwa shaHangwena.

Nghaamwa okwa hokolola ta ti ota tungu omambale oule weedula 28 paife. Okwa ti okwa tameka tete kwa li ha landifa keependjela, nokomandiki omangeshefelo ngaashi kEenhana nOkoshikango.

Okwa ti ovanhu ove hole oku landa omambale aye shaashi ohaa kala a tungika.

“Ovanyasha nava ku fe ko oshihopaenenwa koilonga ei handi longo opo va kale navo tava longifa ounongo wavo ou va pewa kuKalunga voo va kale tava longo oshimaliwa shavo ponhele eshi hava kala ashike tava vake po oinima yovanhu,” Nghaamwa ta ti.

Okwa ti okwa hala okukala ta longo ovanhu ava vena ehalo lokulihonga okutunga omambale, omaanda ile okuhonga omaholo okuninwa omalodu, onghee okwa ti unene tuu ovanyasha ovo vamwe vapumbwa okukala ve u ya momwaalu munene opo va mone eshiivo lokutunga.

“Nonande handi kwata oshimaliwa okudilila kepangelo, ondina oku twikila okukala handi longifa ounongo wange opo ndi kale handi tungu omambale okudjala komitwe, ame ondi dule oku mona oshimaliwa shokuyambidida ovaneumbo vange unene tuu ovatekulu vange hava i kofikola,” Nghaamwa ta ti.

Okwa ti epangelo nali tote po omandiki moshilongo opo ovanyasha vena ounongo va kale tava mono omadeulo eli kombinga yokulongifa ounongo wavo shaashi eshi osha fimana kovanyasha opo va kale tava lwifa oluhepo nondjala.

“Ounongo owa fimana onghee otwa pumbwa okukala atu u longifa pamukalo muwa opo tu dule okweetaposha oshipondola,” Nghaamwa ta ti.


2021-08-24  Festus Hamalwa

Share on social media