New Era Newspaper

New Era Epaper
Icon Collap
...
Home / Okaana ka fya ka hangwa metoto 

Okaana ka fya ka hangwa metoto 

2022-07-21  Festus Hamalwa

Okaana ka fya ka hangwa metoto 

Okaana kokakadona taka tengenekwa ke li peemwedi nhatu oke lituwa ka fya metoto loimbodi moWindhoek.

Okaana aka oke lituwa mEtivali efimbo longula momulukanda Otjomuise moshilandopangelo.

Opolifi moshitukulwa shaKhomas oya hokolola tai ti okaana oka monika komukwashiwana umwe eshi kwa li a ka kupulashi oimbodi ketoto.

Kape na omufekelwa a kwatwa po shaashi fiyo opapa inapa monika ouyelele kutya okaana oka ekelwashi kulyelye.

Onghee opolifi otai indile kovakalimo vomoOtjomuise opo va longele kumwe nopolifi mokuyandja ouyelele kombinga yomunhu oo a ekelashi okaana.

Oshiwana otashi indilwa kwau e shi omukainhu kwa li e na okaana ndele keka na vali opo shi kale sha lopotela opolifi keshe i li popepi.

Otjomuise oyo imwe ya didilikwa hai lopotwa oimbuluma younona tava kupulwashi keenhele doimbodi eshi neudo kolukanda Otjomuise kwa lopotwa oibofa ine younona va hangika va ekelwashi.

Opolifi oya ti otai ka ningila ovakwashiwana omakonakono opo ku kale kwa monika ouyelele kwaau a kupulashi okaana noshoyo okuninga oshikonga kolukanda oko opo ovakainhu va pewa ouyelele nehongo.

Omuxungimwenyo mouninsteli woukashikekookanhu Selma Shilongo okwa kunghilila ovakainhu opo va kale tava twala ounona vavo koipangelo ngeenge tava hepekwa koupyakadi wopamadilaadilo.

Okwa ti ovakainhu nava ka konge omakwafo koipangelo ile keembelewa douministeli woukashikekookanhu shaashi okuekelashi okaana kaku shi ekandulepo lomukundu.

Shilongo okwa yelifa ta ti ovakainhu vamwe ohava kala va kwatwa koshinyenu unene tuu ngeenge tate wokaana iha yambidida okaana kaye.

Onghee naashi ohashi eta opo ina yokaana a kale a kwatwa komhepo yokukupulashi okaana kaye shaashi oha kala a lulilwa konghalo.

– fhamalwa@nepc.com.na


2022-07-21  Festus Hamalwa

Share on social media