Festus Hamalwa
Omulumenhu weedula 48, okwa fya eshi a wa membakumbaku efimbo lomutenya potundi 13h00 momukunda Onambandje, moshikandjohoololo shaKahao. Nakufya okwa tongolwa oye Nande Erastus omukalimo wokomukunda Omafa, koshitukulwa shaHangwena.
Omukulunhu wopolisi mOmusati, Commissioner Titus Shikongo okwa hokolola kutya nakufya okwawa membakumbaku ndele tiidenge pedu konima yokatemba, nokonima okwa lyatwa kelola lokatemba oko kali ta kananwa kumbakumbaku. Erastus okwa xulifila poshiponga. Erastus ovali mo vatatu mumbakumbaku.
Opolifi oya ti omufekelwa ou kwa li ta shingi mbakumbaku omulumenhu weedula 33, omukalimo womukunda Okangala village. Olutu laEratus ola twalwa kokila yopolifi poKahao, novakwapata vaye ova shivifilwa efyo laye.
Shikongo okwa ti kapuna ou akwatatwa po moshiningwanima eshi, onghee omakonakono opolifi otaa twikile. Opolifi moshitukulwa shaShana oya koleka oshiningwanima shikwao shoshiponga sha ningilwa popate pokati Keheke nOnakamwandi Etivali konguloshi potundi 19h30.
Omupopiliko wopolifi moshitukulwa shaShana Inspector Thomas Aiyambo okwa hokolola ta ti moshiponga eshi omwa xulifila omulumenhu weedula 71, omanga ovanhu vavali ova mona oshiponga neenghono.
Aiyambo okwa ti nakufya oye kwa li ta shingi. Otaku hokololwa kutya omushingi okwa nyengwa kotuwa mondalaye, onghee otuwa oya halangata fiyo tayi idenge po. Aiyambo okwa ti nakufya opo a xulifila poshiponga, omanga omukulukadi waye pamwe nomutwalelwa umwe ova twalwa koshipangelo shaShakati opo va ka mone epango lopaunamiti.
Ovakwapata va nakufya ova shivifilwa efyo laye, nomakonakono opolifi otaa twikile.