Pu vi tanda kapu vi punda nungwari ndoovazu pu vi tanda opu vya pundu muhuka Venjengua Charles Kauraisa ma suvisiwa pEharui meṋe ya Tjomuise.

Otjikutu tja yauza nao kutja ihe yomuyaruke Charles Venjengua Kauraisa, Pineas Kauraisa, u ri mbo pu na ihe, Karijova, nu mu nao omuyaruke otji ma suvisiwa pozombaze zoo ihe vOtjitjaimba. 

Pozongungu zOtjitjaimba ape nḓa tarasana na inḓa zOtjiseu komamuho nohumburuko nazo meṋe yondjira komanene okuza mOtjomusie okuyenda kEpako ape ngunda au hi ya kapita ondanda yoporise ndji ri mbo ape na inḓa zOtjitjaimba. Injangwe nguri omusya waihe, wa yauzire nao Omandaha mu Keetute. 

Ndanga Ngarate Oferematjara yOtjiserandu wa tjivisire nao. 

Eye nguri omukwatera wa Tjauana mena rovanene ve mba tauririre kOtjauana mena rondjembo ya Tjivitjouanga. 

Wina mu mwa utira outaure na karira omutoore wokati mOswapo nu tjimwe tjovirwa mbya kara po aari pOkamena mOkongora mOkavango. 

Otja kara moutaure pokati ka Namibia nomahi wa Afrika ngaaye sekirisa Oswapo tjimuna Ozambia nu mu nao eye nomuyaruke Kauraisa ave ha tjiwasana nawa okuyenena okumuhungira ne mwesire imba mba kara pu na ye okumuhungira. 

Eye wa zu momukazendu o Uahimisa ngu ma zu mu Tjikuuna ngu ma zu momuhonge Uriua Julius Kauraisa. Julius ngu ma zu mu Mbahikika. 

Kavetondere na Mbahikika oomuangu nerumbu ovanatje va Kauraisa. Kavetondere ngu ma zu mu Karijova ngu ma zu mu Pineas Kauraisa ngu ma kwata Charles Kauraisa.