OTJOMUISE- Ombara Otjitambi yOhaverero, Vekuii Rukoro, matoko Omutjangerepo Omukarere mOministeri wOndjivisiro nOviungurisiwa via Kandinondi Viomahakaenisiro, Mbeuta Ua-Ndjaraka¿a, okuya porutjandja nokuraisa koye kutja omambo ngumatja weyeheya yari une, pi nu owo ondota yatjavi.
Rukoro Oritjatatu pombongarero yozombuze wazirire kungatjere omambo Ua-Ndjarakana ngeriutirire omuni tjatjere Rukoro watja Ovaherero aveyerike ombaruisa Ovandoitji mehindi. Omambo Ua-Ndjaraka¿a inga yapitire mozombuze peke peke okuza kOritjatano ndazuko nganduu kOritjatatu kehi yatjiva vioviuru viozombuze mbimavitja “Ohoromende maikuminine Rukor mokukuna ohani” otja kongonrambo indji o New Era ya Ritjatatu.
Ua-Ndjaraka¿a, tjingetjo wanakaura omaheya wa Rukoro kutja ohoromende itjaerera Ouhonapare wOmbazu wOvaherero kOmongua. Otja ku Ua- Ndjaraka¿a Ouhonapare wOmbazu wOvaherero owini momaningiriro wawo okuzemburukua mo 2006 ombuavanga Omongua otjomaturiro wovandu mbewira kehi youhonapare imbui. Omutjangerepo omukarerere ingui waraisire omatjangua kukuatuwa omunue kembo mu Rozonÿu tjiyari 26 mo 2006 iyomuyaruke Ombara Otjitambi yOvaherero Kuaima Riruako ngumayeraisa kutja otjiwana tjitjiwa kehi yOuhonapare wOmbazu wOvaherero “uri momaturiro “wa kangamua poo wokombanda ya Mongua”.
“Ohoromende yo Repapirika ya Namibia kaina puya tjayerera Ouhonapare wOmbazu wOvaherero kOmongua kaparukaze,” Ua-Ndjaraka¿a watjere.
Komaheya ohunga notjirua tjongutukiro Rukoro matja otja ku Ua-Ndjarakana eye omambo inga weyetena potuveze tuvari mOtjiwarongo na Mongua. “Ourizemburuka ouwa atjautja eye atjaraisa ongaro ombua oyundu kovarese nokutja owo verizuvire oveni momambo we omuni kutja watjavi. Posia eye katjatjitire nu munao omundu otjimoyenene okurizuvisa kutja eye inga omambo ngeripaherere omuini. Ami memutoko kutja okuyarura po omambo inga otjatjiyari momatjangua.”
Rukoro matja Ovaherero orupa rua Namibia nu tjimuna omauhonapare warue Ouhopare wOmbazu wOvaherero unousemba okurihungirira noikuhungirira po otjiwana tjawo movitjitua avihe viehupo. “Munao ete otjo OTA naami otjo Mbara Otjitambi hinee kaiya mokupaha ousemba wawo nomatjindiro wawo pupeta komurungu woveta otja kOngunÿeveta wehi roo mama, ehi ovandu vetu nduvaÞira.” Rukoro matja kutja Ouhonapare wOmbazu wOvaherero ndinondi umunikue ayo owa Mongua yari ondiero yohoromened oyo ndjaninikiza Ouhonapare imbui kutja upahe oruveze omberoo yaro pumaikara. “O GRN yayandja ondunge ya Mongua mena rokutja pari oruveze kakutja oruriri kamena rokutja ookona kuwaso okuhonaparera, nunguari ooruveze uriri romberoo onene pumauzu okuungura. Omutengua Ua-Ndjarakana kena komunika ayo ombangu pokati koruveze rouhonapare noruveze romberoo pumapezu oviungura moveta keizuu. Okukonda omambo omare ondando yo GRN indji iungura komahonapare pendje no OTA.” Rukoro matja omuyaruke Ombara Otjitambi Kuaima Riruako oruveze indo kehi yozongaro nÿaripo, wayakura Omongua, kakutja otjoruveze romahonaparero nunguari otjomberoo pumasekamene okuungura. “Omambo ngumayetja o OTA nandaku yapaha oruveze ruarue, opisio nomambo ondjimbirahi nombiarara. Ombara Otjitambi ndjiripo nai yatjita omaningiriro kehi yongunÿe yomahonaparero motuveze peke peke no Ministera ainakaura omaingiriro inga mokutja kaye hungamasanene noveta. Onguaye?”
Rukoro matja owatjiri okoo kutja o Ministera indji yahaama kondunge ndjiyapewa io Hahende yohoromende yokutja ikongorere oveta nokutjanga kotjiveta ozorata nozorata zokombanda zo OTA, ndjiri ondunge imba mbena omerizirira motjina ihi ndjivarangaranga ko. Matja ihi matjiyeta epuriro hapo nguri omuhungirire kotjiveta wohoromende movina mbiatjama noveta Ohahende, o Ministera poo Omutjangerepo Omukarerere mOministeri wOndjivisiro nOviungurisiwa via Kandinondi Viomahakaenisiro?
Rukoro mavanga ouhona motuveze tjimuna Okondjatu, Okakarara nOngama mOrukondua rua mOtjozondjupa; Otjimuhaka na Tuzemba mOrukondua rua Kunene; Otjimbingue na Matjete mOrukondua rua Rongo notuveze tuaze mOrukondua rua Maheke tjimuna Otjinene, o Eiseba na Tjombinÿe amuhe omo mumurarera nokuturira Ovaherero nOvambanderu mberi kehi youhonapare we.