Ehangano lo Miss Namibia ola ninga omafiyafano oufiku wOlomakaya okuhoolola oukadona 10 dingi ovo tava ka ya momafiyafano a xuuninwa a Miss Namibia 2026.  

Meendona 10 dingi omo tamu ka hoolwa omufindani okakadona dingi hano Miss Namibia neudo.

Miss Namibia ota ka kalela po oshilongo momafiyafano okakadona dingi mounyuni hano Miss Universe osho yo okukufa ombinga momafiyafano a yooloka nokuhumbata epaya eli oule wodula fiyo oyou a landula ko ta ka findana. 

Oukadona 10 dingi va Miss Namibia neudo ovo: 

Kaino Jona – omunamido 23, okudilila kodoolopa yaNdangwa moshitukulwa shaShana. 

Koviao Katjerungu – omunamido 26, okudilila koshitkulwa shaMaheke. 

Loide Nghuulondo – omunamido 27, odalele yomoshitukulwa shaMusati.

Loini Jonas – omunamido 23 okudilila koshitukulwa shaTjozondjupa.

Rechelle Hamases – omunamido 25, okudilila koshitukulwa sha Khomas.

Albertina Haimbala – omunamido 26 okudilila koshitukulwa Otjozondjupa.

Charene Labuschagne – omunamido 27 okudja koshitukulwa Khomas modoolopa yaWindhoek.

Constancia Kamburona– omunamido 27 okudilila koshitukulwa shaMaheke.

Dolly Mootu – omunamido 28 okudilila koshitukulwa shaShikoto.

Jatjizavi Kavendjaa – omunamido 26 okudja koshitukulwa shaMaheke.