HILLSIDE FARMHOUSE  – Swapo !Nans ge ǀgūǁ-ae sîsenǁareǁkhāǁkhākhâisa, ǀkharisi tsî !ā!nāsi ǂgaeǂguidi ǀawemā!nandi !aroma Hillside Farmhouse, ǂNūǂgoaes ǀgūse ǁgoes tawa ge ūhâ i.

Hâ ge ī ǁgamǁaredi !nâb ge, Fluksman Samuehli, nē ǁkhāǁkhāisa ge !khōdana hâ iba, ǀawemā-aona gere hōhō!nâ, ǁîn ǂgaimâi!nâsa !harodi kai !ereamxasiba !khōǂgā hâ !khaisa. 

“Nau mîdi !nâ ta ra ǂîibasens ge, sats ǀgaisa !ereams !oabade ǂgaoǀkhāsa !hae ǁaeb tsî ǀnōb ai ǁanǂgāsabena mās tsî -ǁnās xōǀkhā khoen ai a !gao!gaosa omkhâisens ai ǂâisa ǂnûisa.

 A da sada !ādi tsî ǂgiǂgos ǁhûi!nâǂharidi !nâ xūna dī, ǁanǂgāsaben tsî !augaba xu ra ǂgâxa khoena nî ǂâiǂgae tsî ǁnāpa hā ǁguiri ǂgaose. 

Nēna īǁkhā kais, ǀguis ge NDP6 di ǁgūbadi tsî Mûǂuib 2030ǁî kurib !aromaba ǂâi!nâǁguisaba nî īǁkhā kaisa, tib ge Samuehlsa ge mî.

Samuehli hîa !Namiǂnûs Waterfront Development ǂNûiǂgās di Dana Sîsenǂuira Mâisab, ge ge mî ǁnāpab kai sîsenna nē ǀasase ge ǁhûiǂgāhe ǂgiǂgosi ǂgaeǂgui-aon ǀKharas ǀKharib din !aroma !âuǁgoesa. 

“ǁAnǂgāsaben ge ǂgom!gâba ǂgaeǂgui ra !nans, Swapos tsî ǁîs ge ǁgaumâin ai ge ǁgui, nēpa xu hâ !âubasendi amab tsî ǂgaob hoab ǀkha nî dīǂuihes di !âubasens ǀkha,” tib ge gere ǀgomgom!gao.

Ai!âb gere mîs ge “Khoen ge ǂgaeǂgui-aona xu ra !âubasen, hâ ga ǁgoaǂuin !aroman ǂgaeǂgui-aona ǁaeba ǁore tama hâse ǁnā !gomsiba oresa hōbasa nî !noeba !khaisa. ǁNā khoen -ǁînats nî !oaba, ǂnûǁkhaeba tsî ǂgaeǂguisets ǁgaumâihe hâna.” 

Nēn hoan !gâ-aib ge ǁKharas ǀkhariba !hū!nāsi omkhâisens aweǁguigu ai nî !gaoǁgui, ǀkharib di !khūsib hîa kurus ǁuiba xu hâb nî domdores !hūǁîn disa aimâise. 

“Nēn hoana ǂhanu-aise tsî domdores !aroma ǀgoraǂgās kaiǀnōb !nâ sâuǁkhāsib omkhâis kōse ra sīn tsî ǂkhariǀnōb ǂgarib ǁaxasin tsîna nî !khōǂgā,” tib ge ge ǀaro.

!Gâin sī!nâ ǂgao da ra dī tsî !gâi!gâga mûs ge aimûǂuiga ūhâ ǂgaeǂgui-aona nē ǀkhariba xu ǂhâba hâ în Namibiaǁîna ǀgâsiba xu ǂgaeǂui,” tib ge Samuehla ge ǀamǀam.