Mongamburiro yOukriste embo ri tja: “pe nouwa nombwiro erumbi nomuangu tji mave tura pamwe nave twara kumwe omitima vyawo”.

Tjingetjo momiano vya Tjipangandjara pe na mbu tja: “epango ri ura ouzeu”. Tjimwe mokati komuhoko tji tji hepa epaha ra Tjiute okutwara kumwe omitima nokukara nepango poo otjoro otja tji ku za kutja tjiṱo tjoro, ongondjero yOtjitjisuta tjOtjiṱiro Otjindjandja. 

Ozondekurona nai mu za haṋika ngunda nai motupa tuvari, indwi ndu itavera nOruyano rwa Pamwe pokati kohoromende ya Namibia noyEhi rOvandoitji, na imba mbe tja ngunda oyo kandji ri yo okuyeta otjisuta tji tja pwire ozondekurona. 

Mape ya wina omundu konoo patere pendje kutja pokati ku nḓe munika otjozondundu mbari inḓa nḓe munika ayo kanaaze kahakayena, nandarire ovizire vyazo, kutja ku za ovizire vyozondundu vi wana uṱuku, pe na omaumune yarwe mape ya oyo ngunda nga unda kumwi uriri. 

Ozondekurona otja tji za haṋika nai mokutja tjii hapo ondjira yombwiro mOtjisuta ooiṋe, wina otjiṋa tji tji yeta ombambaukire momayamberero. 

Mu mu na tjiva mbu mave munu kokutja ohaṋi indji itjimwe tjoviṋa mbi yeta oseve mongondjero yotjisuta. 

Mokutja nandarire inḓo zondekurona tji maze yambere nokukwa kovaṱi novakuru vazo, kaze tjiti nao nomitima vimwe nu itjo tji ze paha nokuzera ohunga notjisuta katjiṋa tjimwe. 

Nu ndoovazu onao hapo okutja imbo vaṱi novakuru ngave puratene kozondekurona zeṋe? 

Nu ndoovazu onao hapo ozondekurona tji maze ningire ongambwi notjiyangapara, nu tjinene mongondjero yotjisuta, maze zuvirwa nao i yovaṱi novakuru? Indi epuriro ndi mari sokutja ra ingana mozondekurona nu nḓu za sokuriyarukira mourekoto wourizemburuka nominyo vyazo nokurizira.

Kehi yomboronganeno nombwaneno ya Kandjoze mongondjero yOtjisuta tjOtjiṱiro Otjindjandja ozombara tjiva zOvaherero nOvambanderu otjo tjiri za tunga epango ndi ura ozeu. 

Noruroto rokutja naṋi harukuru epango ndi arire nda rire otjirondero kombwaneno yomarapi na inga omayamberero. 

Posi ya ongahukiro kutja orure ozombara okutuurungira momarapi amazee katwara omitima kumwe momayamberero nu harukuru wina epango rOtjiṱiro Otjindjandja ari ze uparereko. 

Ku avehe motjiwaṋa ngahino indi ekarimbo okookutja kape na ngu ma tjiwa kutja tji tji mu twara kEpembe ootjiṋe?