Rudolf Gaiseb

Bayahi ba minzi ya Ndiyona ni Ncorosa mwasikiliti sa Kavango ya Upa batalimana ni tokwahalo ya mezi, kuhapeleza bayahi ba minzi kuyema mindandwe kamapakela kukala ka 03:00 ya kakusasa kuli bafumane mezi. Membala wa ndu ya Milao wa kopano ya IPC Michael Mulunga nakupile mubuso kutalima manyando abayahi ba Ndiyona ni Ncorosa ane aize ki “kashwau kanaha.”

Sicaba bafumana mezi mwa liliba zetezi masila, ze baikabela ni limunanu za bona, linja ni lifolofolo, Mulunga nabulelezi limembala ze’nwi za ndu ya milao. “Liliba zefumaneha mwa minzi neli yepilwe lilimo ze’nata zefelile mi kanako ya cwale seli sinyehile, mi hakuna ze ezizwe kuli liulula. Banana baya kwasikolo ni masila, mi bashemi bazuha ka 3 ya kakusasa kuyoka mezi,” nabulezi.

Nasusuelize mubuso ku alabela kwa tokwahalo ya sicaba ya mezi. Kweli ye felile mwa sikiliti se siswana banana bamashumi amalalu kababalalu, neba lobalizwe mwasipatela bamano nwa mezi amasila kwa sikolo. 

Kasamulaho akezahalo yeo, likwambuyu wa tuto Sanet Steenkamp naize baituti kaufela nebafolile mi naize butata kwa maino akwasikolo buka tatululwa.  Zeo halili cwalo Mulunga nakupile likolo la njimo kueza kapili ni kuyepa liliba zena ni mezi alukela sicaba. Likwambuyu naitekezwi kufa likalabo mwandu ya milao.