NDUNO – Mwa munzi okuzize wa Nduno mwasilalanda sa Kavango ya Wiko basilisa, kasamulaho alifu lelisabisa la Thomas Kandandu walilimo ze 74 yana bulailwe kitou Labulalu kakusasa. Kezo yeo ne ezahezi kanako ya 04h00 Labulalu, Kandandu ni mufumahali wahae hane balibile kwa masimu. 

Piho ya mapokola ibulela kuli bubeli bwa bona nebazamaya hamoho, Kandandu hakauhana ni mufumahali wahae kufapuha hainyani kwamulaho wasibumbu. 

Mufumahali wahae azwelapili kuya kwapili kuliba kwa masimu, aitekezi kuli muuna ‘hae uka mulatelela. 

Habona kuli habonahali bakala kumubata. 

“Musala ‘nyandi alemusa babañwi mwamunzi bane bakalile kumubata kapilipili. Kihabato fumana situpu sahae mwamushitu. 

Bupaki fasibaka fone kufumanwi situpu hamoho cwalo ni mutala one upotolohile situpu, kubonisa kuli Kandandu nakatani tou yene imulelekisize nikumuhat ikela hañatañata,’’ nekubulezi muzamaisi wasipokola mwasikiliti sa Kavango ya Wiko Julia Sakuwa-Neo. 

Sakuwa-Neo nabulezi hape kuli nyandi nazibahala hahulu mwamunzi wahabo, mi bahabo yena nebalemusizwe simubuso. Lifu leo lisupeza kuhula kwa mifilifili mwahala batu ni lifolofolo, teñi balimi ni sicaba hamoho cwalo ni lifolofolo baikabela maino ni limbule. 

Bayahi ba silalanda balemuswa kutokomela sihulu nako ya kakusasa ni manzibuana litou halizamaya hahulu. 

Mi baswanela kufitisa lipiho kwa likolo la silalanda kapa kwa mapokola.