Auleria Wakudumo 

Opolifi moshitukulwa shaKavango East oya tula moipandeko omukainhu weedula 53 eshi vati a hangika noikulya yoshikukuta oyo vati ya vakwa. 

Omukainhu okwa hangika noikulya oyo meumbo laye li li momukunda Katwitwi, Etivali lwopo 05h00. 

Oshiningwanima eshi osha kolekwa komukulunhu wopolifi moshitukulwa shaKavango East, Commissioner Andreas Haingura. 

Otaku hokololwa omukainhu a hangika noushako voufila oukilograma o20 veli o15 oshoyo omakende omaadi eemilimeta o750 veli o63. 

Opolifi oya holola kutya omukainhu ina yandja vati etomheno la wana eshi a pulwa kutya oikulya yoshikukuta ifike opo okwe i kufa peni. 

Ongushu yoikulya aishe inai shiivika natango. 

-wakudumoauleria@gmail.com