Ovalumenhu vavali ova kwatwa po eshi va hangika tava kwata eeshi metale vehe na epitikilo.

Oshiningwanima osha ningwa Olomakaya komukunda Omandobe moshikandjohoololo shaEndola, moshitukulwa shaMusati. Omupopiliko wopolifi moshitukulwa shaHangwena Sergeant Simeon Haufiku okwa koleka oshiningwanima eshi.

Opolifi oya hokolola tai ti eeshi metale oda tulwa mo kouministeli wounamapya, omeva, omatulululo omadu oshoyo eedjo domefuta.

Ota ku hokololwa kutya ovalumenhu ove li va kela metale ndele tava kwata eeshi pamukalo woumbudi.

Opoolifi oya hokolola tai ti omulumenhu keshe okwa pewa ehandukilo lokufuta oshimaliwa N$2800 ile a kale modolongo. Ouministeli wounamapya needjo domefuta owa shivifilwa nale kombinga yoshikumungu eshi. Opolifi oya yelifa tai ti ngeenge eeshi tadi kwatwa momatale tete oshiwana oha shi shivifilwa opo shi holoke okukwata eeshi pamwe novanambelewa va dja koshikondo sheeshi.

Oshiwana osha kumaidwa opo xulife po okukwata eeshi momatale ina shi pewa epitikilo molwashi oshi li kondje yoveta. fhamalwa@nepc.com.na