Taimi Haihambo

Opolifi oya kwata exwata loingangamwifi Ii na ongushu yoN$1 372 290, oo a hangika e li kovahnu va fika puvaheyali mexuliloshivike. Oshikwata shoingangamwifi vati osha kwatela mo amwe a hangika a kunwa mumwe nomapungu.

Ovafekelwa vati ove li pokati keedula 27 fiyo 51 omo mu na ovakainhu vatatu novalumenhu vane. Moshikonga shovafekelwa vati omu na Ovanamibia vatano nOvatanzania vavali.

Omukalimo umwe waTanzania vati okwa kwatelwa poboloka i li pokati kOkahandja noWindhoek, eshi va mbilikwa kopolifi va hadwe oufiku wOlomakaya.

Omupopiliko wopolifi moNamibia Kauna Shikwambi okwa ti ova hangika nocannabis i na ongushu yoN$333 250 ya holekwa momutwe wotuwa.

Omukalimo waTanzania mukwao okwa hangika meni loWindhoek kolukanda loDorado Park nococaine, osho yo cannabis i na ongushu yoN$842 750.

Omukainhu weedula 35 natango koHardap okwa kwatwa nomapangwe e na ongushu N$36 750, omanga omukainhu mukwao natango wokoshitopolwa osho a hangika e na omapangwe e na ongushu yoN$350.

Ovalumenhu vavali natango vokoHardap navo ova kwatwa po ve na ongushu yomapangwe N$750.

Omukainhu umwe natango naye okwa tulwa yo moipandeko mOtjozondjupa, okwa tulwa moindeko konima eshi a hangika a kuna omapangwe e na ongushu oN$158 440.

-taimihaihambo2000@gmail.com