Nkurenkuru- Ministeli zekungo nsintwe kuna kara nosivaro sovantu ava gakwata ngandu moKavango zoutokero nezi zoupumezuva kutunda mo kwedi kwaMurongagona 2024 ntani Murongankuru 2025.
Ministeli muhuyungilipo gwazo Romeo Muyunda,momapuragero kumwe naNampa mosondaha, katente asi ministeli kwafuta yimaliwa yokusika ko N$680 000 kwavavanyanda gakwata ekoro lyawo kutunda mvhura ezi zina puko.
Ministeli kufuta yimaliwa yokusika ko N$ 100 000 kovanekoro owo vana zumbanesa gwawo yimaliwa yokusika ko N$ 30 000 ano ogu nye ana kara asi kwamusigi nourema, ntani N$15 000 morwa kuna zumba yilyo yorutu rwendi, yimo ana kutanta.
Age simpe katente asi Ndonga Linena, Katondo, Kayova ntani Mayara, kuna kara asi aga mavango gana kara noudigu unene omu vangandu vana kukwata vantu, yiviyauka nayinye eyi ava rugana ngwendi kuzogana =, kukwata nomfi konontere domukuro kuninkisa vangandu vavakwate.
Ministeli kuna kutanta asi awo navatulisapo nonkambadaro awo navagusapo udigu ou pokatji kovantu noyikorama, unenemavangoagavadiva asi kwakara noudigu koyikasama eyi, omu nye navakarugana kuhuyungisa vantu ntani vahepa kuvaronga asi ngapi navagusapo maudigu aga.
Mokugwedako kuna kara asi vahepa kumbororako makero gamwe vagaveko mema gokuruganesa yipo asi vahaka kara nomarumbasano pokatji kovantu noyikorama. ‘’
Epangero kuna kara asi vahepa kuturapo evango lyokukeverera vangandu ponomukunda dokulisiga siga muna hamene Tjeye, Mupapama, Kashira, ntani Shadikongoro eli lyakara asi pepi naShadikongoro, eli lyakara poPopa Falls, omu navapopera nkarapamwe mokuvapa mema omu nye vanakugazara asi tavasesupikeko udigu ou wokuvakwata vangandu” yimo ana kutanta Muyunda.
Age kahundilire vantu vatunga pepi nomavango aga gakara asi kwakarapo vangandu vahepa kulikunga momunene nsene kuna kuza komukuro yipo asi vahanyanda hena kovangandu. ‘’ Twahepa kusesupika kukavheta mema, kukahuga ndi kuzogana pepi nomukuro, unene masiku unene apa nye avakara vangandu asi kuna kupapara sakulya.
Nkenye apa gendi mbunga zovantu konontere domukuro ntani mwahepa kugava nombudi dangoso konompitisili dopampo.
Mapukururo ntani kukara tuna vakara kuvhura kuvatera asi twahanyanda hena kwangandu, makura ose twahepa kutura asi eparu lyetu, yiso sopomuhowo,’’ yimo ana kuhundira ngoso. -Nampa