Auleria Wakudumo 

Ovanhu vatatu, mwa kwatelwa ovashingi vavali otava mono epango lopaunamiti moshipangelo shepangelo mOnandjokwe sha dja eshi otuwa imwe ye lidenga mumwe naikwao. Eshi osha ningilwa mopate yo-B1, pOniimbwele pokati kOnethidi nOnathinge moshitukulwa shaShikoto, sha ningwa Olomakaya lwopo 03h30.Oshiningwanima osha kolekwa komukulunhu wopolifi moshitukulwa shaShikoto Teopolina Kalompo-Nashikaku. Otaku hokololwa omushingi woPolo Vivo kwa li ta shingi okudja kOmuthiya a finda kOnethindi novatwaalelwa vavali eshi e lipuma mumwe moToyota 4X4 omo mwa li muna omushingi nomutwaalelwa umwe. Opolifi oya holola kutya oonakumona oshiponga ove na eedula okudja 18 fiyo 47. 

Aveshe vatano ova mona oshiponga sha divilika nova twalwa koshipangelo shepangelo kOnandjokwe va ka mone epango la wedwa po. 

-wakudumoauleria@gmail. com