Mbunga zokutarera umbondo zoOkahandja, Gobabis ntani Venduka ezi ana kupitisira Shaun, Gariseb ngesi kuna kupura vagwanekere kumwe nombunga zoAAC ndi asi Anti Corruption Commission omu vana kuhundira asi vahepa kuma usimbu yirapotwa eyi vana kara nayo vapira kumana.
‘’Ose kuna hara asi makona kono gospesiyare gakarepo ndi vagatulisepo, mokukwama veta ezi zakarapo sintokorwa 14 zoAnti-Corruption Commission , veta zomo 2003, omu zina kara pangederera vamanese nayi nye yina kara asi kapi vana manesa, yonondango eyi kavageve kwaDeputy ACC Erna van der Merwe nkera mositata saVenduka. Mbapira zawo simpe kuna kara nomalipuliro kuhamena elituromo lyoACC, kuhamena marusivano gatundilira konondango donodoropa.
‘’ Morwa sinka kwapilira elituromo lyenene, koyirapotwa eyi vaturamo yokutundilira ko nondango dodoropa ngwendi Venduka,Gobabis, Keetmanshoop, WalvisBay, HentiesBay, Okahandja, Rundu, Katima Mulilo ntani Otjiwarongo, nampili ngomoomu vavapere erembe lyegeha? Yimo vanakuziresa ngoso mbapira zawo.
Awo unene kwademenenene egendeso lyedona, maumbondo, ntani kuliwora unene mokurugana makona kono kutundilira koACC, ntani vakonakone malizuvho gaRedforce omu ngano napongayika nomukuli. Mbapira simpe kuna kupura enkondopeko asi ngapi omu ava rugana yomakona kono nsene ono yireta koACC, muna hamene asi tayikwata siruwo sokusika kupi vanayimanese. Apa nye kagwene mbapira ezi zorunyegenyo, Van der Merwe katente asi makona kono ogo gosipasiyare kugaruganesa posiruwo sokukara asi kapi vana kuvhura omu navarugana. Mwahepa kuyizuvha asi oyo kukara tupu mosiruwo songandi ntani muna kutura wosipasiyare eyi yina kara asi nsene kapi muna kugwana asi wolye vayidiva kuyirugana.
Eyi kuyirugana nye mukurona gwetu gevango eli omu nakara asi gahepa kupurako nkuministera, yimo ana kutanta ngoso. Van der Merwe, katumbwidilire mbunga ezi asi ACC kuna lituramo mokukona kona marapoto nkenye aga goumbondo momunene.
‘’ Ame kuna kuyimona asi muna zuvhuko nawa kweyi mwakara nayo mepuko, morwa one kugazara asi ose kapi tuna lituramo moyirapotwa yangesi. Ntani ose kuna kumutantera asi ose kuna lituramo unene kuhamena yirugana yetu,’’ yimo simpe ngoso ana kuyinkondopeka.- Nampa