Laberary zomoOkongo zina paturuka

Laberary zomoOkongo zina paturuka

Evango eli vadika noyimaliwa yokusika ko N$4 nomiliyuna, moOkongo likare evango lyoLabaratory zonkarapamwe ngesu lina paturukire nye vantu, omu lina kugava erongo, ntani enternet kovantu ava vana kurugana makonakono gonsitwe. 

Evango eli kwakere tavaruganene mevango limwe omu valizuvhire kumwe noministeli ntano vatungimo womoOkongo. Evango eli kwakara mokatji kodoropa zaOkongo konyima tupu zaBuild It momukunda horowero gwaOhangwena. 

Apa nye kakahuyungire kosayitunga zaNew Era, mukurona galirongera yomavango aga, Katrina Shikuni, katente asi nampili ngomu sina kara asi sidigu unene monkarapamwe, unene nombapira edi vana kara nado dononsesu, ndi asi nompapira dokulirongesa kompuyuta nonsesu unene. Nye evango eli kuna kara mulyo unene kovatungimo womoOkongo, omu vana kugwanenenamo udiwi wompo ntani ezo komeho. 

‘’ Kugava mauzera kerongo, internet zomawokowoko, ntani nayimwe yokuruganesa mokukulika nsitwe. Evango ntani kuvatera vana kupapara yirugana ntani kugava mauzera kwava vana kudimba sure zopaukurona ndi asi literasi omu vana kuwapukurura udivi womuntu pamundinda. 

Omu lyakara nye asi evango lyewa, omu aligava mauwa kovantu ava vatunga momukunda gwina, nampili ngapi gakara asi kwato eyi gaweka,’’ yimo ana kutanta. Evango eli kwakara lyanavenye omu vantu ava yagwanekere valiyonge nokulipa magano. Shikuni katente asi nkarapamwe kwagava evango eli, makura ministeli zagava varugani ntani yiruganeso. Nampili ngoso morwa kuliruganesa nye vantu wovanzi yiyo yaninkisa vatungeko evango limwe lyepe, omu nalivatera vantu navenye kutwara moyihepwa yawo.  

‘’Alyo kugava yirugana yokulisiga siga, muna hamene nombapira novhura kugusa okaresemo okazitengwide, omu muna kara noresa yokuhamena vano ntani yovakurona. Ntani nokompuyuta damo kudiruganesa mawokowoko, 24/7 internet ntani kuvhukisa yimbapira mawoko woko, ntani kuyigwanekedesa ntani kuyituma mawokowoko, yimo ana kutanta. Ntani awo kugava erongo lyontateko lyokompuyuta. 

‘’Ava nye vadivako unene yokuhamena Labarotory kuna kuvatera vantu unene, nokulimburura nsene kuna kara mapuro. Evango eli kwakara hena ewa mokulirongerapo morwa kwamwena unene, evango navafura kuresera motumbunga, ntani evango po lyoyigongi, ntani mapongo gamwe.  Kovanonagona kwakarako hena hospot ezi zakara asi kuvavatera varugane unene yerongo omu navaresa vagwanenemo udivi, yimo simpe ngoso ana kutanta. Evango eli kurugana kutunda momandaha dogoro utano monovili 09h00-16h30. Evango nye lyepe ntaantini vayalizegurure paveta.

 Eyi yaninkisa tulizegurure morwa yimo vana hara vantu vene. 

Shikuni kuna kuhundira vatungimo moOkongo varuganese evango eli, noyiruganeso lyalyo ntani vahepa kukara tavalidingura vadive asi yinke yina kuhorokapo yimo ngoso ana kuyitanta eyi kupitira facebook zevango eli. 

fhamalwa@nepc.com.na