Ovakwashiwana vanhe vokoNorth America ovo va shivika nawa melaka loshitakumi nedina astronauts ove li mondjila yokualuka komwedi. 

Ovakufimbinga molweendo eli ovo Reid Wiseman, Victor Glover, Christina Koch naJeremy Hansen, nokomwedi ova yile ko mu 1 Apilili nova teelelika va kale va fika kedu mo 10 Apilili. Nokuli paife osheendo shavo oshi li tashi ufanwa Artemis 11, ndele kashi shi vali Apollo 11 wounyuni wonale. 

Elalakano lavo lokuya komwedi oku ka tala nghee eedila dipe odo opo va longo tadi longo mewangadjo. Umwe womuvo Christina Koch okwa ti ova ninga omafiku e li ahetatu mombada ehe na ekwatafano lasha nomhepo kedu. “Oshili onda hala olweendo li xule, ndi ka kwatafane vali novanhu,” ta ti. 

Jeremy Hansen okwa ti ova teya olekota shaashi ovo ovanhu votete okuya mombada eekilometa dihapu va fiya po edu moule wefimbo moulewomafiku ashona. 

“Fyee otwa ya eekilomita da koya po 400 000, okuyelekanifa naadi da li da iwa kovanhu mounyuni woApollo 13 no 14,” ta ti. Elalakano likwao eshi ovanhu ava va ya komwedi kakwa li okunambela ko, ndele okudingonoka nomwedi vo va tale ngeenge otave shi pondola ngaho okuuya kedu ve na omwenyo ndele ove shi pondola. Natango ova katala yoo kutya ngeenge vai mombada, ota va dulu oku kwatafana naava veli kedu, noku tala ngeenge okuna ngaho omhepo yawana oshoyo omeva, nghee kwe li xulilwe konima yeedula o 50. 

“Molwa efimbo lile eli la pita komwedi ona ku iwa, twa hala oku ka kwa shilipaleka eshi shiliko tashi li nyenge, nongeenge ota ku dulu ngaho oku iwa ndele taku di omunhu ena omwenyo,” umwe womuvo ta holola. 

Mongudu yaavo va ya omu na omukainhu wotete opo ta ende komwedi, oastronaut yotete yomulaule osho yo omukalimo umwe waCanada naye opo te litoto ko. 

Umwe womuvo Victor Glover okwa yelifa kutya olweendo lokuya komwedi ola fimana neenghono shaashi ngeno kava li po, ngeno ovanhu ihava mono kutya komwedi oku li ngahelipi. 

Okwa twikila kutya eshi otashi ulike elongelo kumwe pokati koilongo ivali United States voo naCanada. 

“Natango otashi yandje omhito kovanyahsa ava vena ohokwe yoku li hongela oinima yoludi eli veli pakemo, shaashi oveshishi kutya eendjodi davo ona di katwe efiku limwe,” ta ti 

Olweendo eli looArtemis II ota li yandje etwo mukumo kovanhu kutya nonande pa pita efimbo lile komwedi ina ku iwa, natango oshi li eameno lakula okuya ko. 

-taimihaihambo2000@gmail.com