Yomuhulu wasipokola sanaha Joseph Shikongo nalukuluzwi mwasipatela sa Ongwediva MediPark Labubeli, amano yolobazwa kasamulaho akozi yafamukwakwa.
Nabulelezi New Era kuli ukwandu mwapabalelo yalubasi mi hasikakala kale kusebeza. “Niikutwa hande, nilibelezi feela kufolelela kuli nikutele kwamusebezi wakusebeleza naha,” nabulezi. La 30 Ñulule 2022 kanako ya 01h00, Shikongo nabile mwakozi yafamukwakwa hane akwaeza motikala yahae mwamukwakwa waOshikango-Ondangwa, mabapa ni munzi waIndangungu mwasikiliti sa Oshana.
Limotikala zepeli neli caisani pata ka pata, ili motikala yesweu yamufuta waToyota Hilux double cab ya Shikongo ni Hyundai yesweu, ili yene tisize mafu onafo ababalalu bane bakwezi mwa Hyundai.
Shikongo namatiselizwe kwasipatela MediPark mwa Ongwediva. Bane batimezi nebazibahalizwe kuba Sofia Natangwe Ananias (22), Fransa Pombili Ndengu (27) ni Stefanus Hafeni Shahafinge, yo lilimo zahae nelisika patalazwa.
Shikongo nakupile sicaba kuambuka mabulatwi abuhata kuli naholofezi hahulu nikuli naisizwe kwasipatela kwanda naha. Naitumezi hape kwabatu kumuhupula mwalitapelo.
“Neni ambozi nibalubasi lwabane batimezi kufitsa manzwi amatomolapilu. Mioya yabona ipumule kakozo,” nekubulezi Shikongo. Naize mapokola baswanela kusebeza homoho nisicaba kulwanisa bubangoki.