ǀAEǁGAMS – Namibiab ge tarekhoedi ǂnûǁkhaebas !hū!nāsi ǂgaeǂguis !nâsa ǁgoeǂam hâ, ǁnāpas ge !kharu ge khoese kurigu !nâ 42 persentga xu 48 persentgu di ǂharosa ra ǁgause. Nē ǂanǂans ge SADCs Surigu !Harodi ǀNōs xa ge ǀgūǁae māǂuihe !nurib !nâ a ǁgausa. Koro !hūgu ǀguigu ge hoa SADCs !nâ 30 persentgu tarekhoedi ǂnûǁkhaebasa !hū!nāsi ǂgaeǂuigi !nâ !kharu hâ ǂgaiǀons ai Tanzaniab, Mozambique, Lesothob, Suid Afrikab tsî Namibiab hâga. Sao ra hû SADC !hūgu, ǂgaiǀons ai Botswanab, Zimbabweb, eSwatinib, Malawib, Madagascari, Zambiab tsî Democratic Republiki Congob (DRC) dib hâgu ge 20 persentgu xa a ǀoro tarekhoe ǂnûǁkhaebasa !hū!nāsi ǂgaeǂguidi !nâ ūhâ, nē !nurib ra mîsa !oa. DRCb ge 6 persentgu di tarekhoedi ǂnûǁkhaebas aib mâse ǁîb hoagu xa a ǀoro !gôaba ūhâ !nurib ra mîsa !oa. SADC !hūgu hîa ǁgûimâisa !hū!nāsi ǂgaeǂguide ūhâgu ge hoase 50 persentgu di tarekhoe ǂnûǁkhaebas ǁgūbasa sī!nâ tama hâ. Hoarahus !hūb ge Namibiab hîa nē 50 persentga ra ǀgū!nâba. SADCsa xu kha ge ǀgam !hūkha ǂoago kurib !nâ !hū!nāsi ǂgaeǂguis ǁhûide ge ūhâ i, ǂgaiǀons ai eSwatinib tsî Lesothob hâkha, xaweb ge Lesothoba khoese persentgu ǀkha ge ǁnā tsî 49 persenga xu 40 persentgu ai mâ. eSwatinis !nâ di ge tarekhoede 12 persentga ǂgiǂgosi ǀawemā-aon !nâ ra dīǂui kai!ā ǁhûidi !nâ. Nē 12 persentgu ra 14 persentgu hîa !garo!ā ǀawemā!nandi digu ǀkha !gôaǀhaohe o-i ge eSwatinis !nâ 15 persentgu ǁnāsa ge hâ !ā!nāsi ǁhûidi ai!âs ǀkha i kara ǀgoweǀnōheo. Nē !nurib !nâ ai!â a !khōǂgāsas ge Mauritiusi ge 6 persentgu tarekhoe ǂnûǁkhaebasa xu 27 persentgu ǂharosa a dīsa, Namibiab ge 42 persentga xu 48 persentgu kōse a ǂharo hîa. Colleen Mornas ge ge mî, SADC !hūgu ra ǀgui ǂaisa ais ǁga dā tsî ǀgam ǂaira khaos ǁga oasa.