Oshituthi shomaviinu shoMTC nuumvo otashi ka kala kOngwediva, momasiku 29 sigo 30 gaMei. 

Oshituthi shoka otashi ka ningwa oshikando oshititano. Omumvo gwa zi ko okwa li sha gongele oshikwana shokoonoli oshindji. 

Uyelele kombinga wuutekete okupita pomweelo otau tseyithwa momasiku omashona ga taalelwa. 

Omukuluntuwiliki mehangano lyomMTC, Tim Ekandjo okwa ti, oshituthi sho nuumvo otashi ka dhenga mo ayihe ya ningwa omimvo dha piti, oshoka otashi ka kala sha longekidhwa nawa. 

Aaholi yomaviinu, aayendi nandjila nosho wo aanangeshefa otaya hiwa opo yaka wayimine oshituthi shoka shoMTC, yaka ilandele noku lola omaviinu ga dhindikika nogeli momaludhi ga yooloka. 

Sha ikolela komushangwa gwa pitithwa, Ekandjo okwa koleke kutya oshituthi sho ku lola omaviinu otashi ka eta omaviinu ga yooloka okuzilila meni nosho wo kondje yoshilongo. 

Ta ti, oshituthi shoka otashi ka kala meha la lomaul iko giipindi mOngwediva lya tseyika nawa Ongwediva Trade Fair, tashika tameka potundi onti-hamano yokongulohi. 

Nokonima, oshituthi shoka osha tegelelwa shika tsikile koWindhoek oku za momasiku gane sigo gahamano gaJuni nuumvo kehala tali ithanwa oMövenpick Hotel. 

“Miipindi ota mu ka kala wo omaviinu ngono omape nosho wo omakulu okuziilila kiilongo ya yoloka” Ekandjo ta ti ngaka. 

vkaapanda@nepc.com.na