Kondjashili Simon, a tseyika nedhina Mapeni Protocol, omukalimo gomOngwediva no kuli omukokoli osho wo omukuluntu gwehangano tali ithanwa “The blue Roof Advertising Agency studio”, onkene ta tsikile noku mwenyeka piituthi ya yooloka konooli. 

Ngele taku popiwa Mapeni otaku popi omulumentu omutoye mokana nuuna ngele a pewa embako, ito hala we okupwiikina ku gumwe keeshi ye tapopi. 

“Ondina ostudio yopaumwene yili megumbo lyandje koHanover mOngwediva, na ondi na aanailonga yatatu, mboka hatu longele pamwe na yo,”ta popi ngaaka. 

Ta ti, iilonga yawo oyili pomaludhi gayooloka, iituthi, oongeshefa osho wo okupititha omatumwalaka moradio. 

Ta gwedha po kutya ohaya nyanyangidha wo omatumwalaka ngoka to vulu okuga fala ga kalweshe koradio ye hoololo loye. 

“Otuna mo wo omatseyitho gokomalungula, ngoka haga adha noku tseyithila oshigwana mbala ngaashi Instagram, TikTok, WhatsApp,”. 

Ta ti okuna aalanduli yapita 10 000. 

Kuuyelele wa gwedha po otaya vulu okumonika koonomola 0812530537. Ile 0818758288